'ഞങ്ങൾ ഇവിടെയുണ്ടാകും': ബഹിരാകാശത്തുനിന്ന് പ്രധാനമന്ത്രിയോട് സംസാരിച്ച നിമിഷം പങ്കുവെച്ച് ശുഭാൻശു ശുക്ല

ഡല്‍ഹി: 'ഇന്ത്യ ബഹിരാകാശത്ത് ഉണ്ട്' എന്ന് പ്രഖ്യാപിച്ചുകൊണ്ട്, ഇന്ത്യന്‍ ബഹിരാകാശ യാത്രികനായ ഗ്രൂപ്പ് ക്യാപ്റ്റന്‍ ശുഭാന്‍ഷു ശുക്ല തന്റെ പ്രചോദനാത്മകമായ യാത്ര മുംബൈ കോണ്‍ക്ലേവ് 2025-ല്‍ പങ്കുവെച്ചു. 

ഈ വര്‍ഷം ആദ്യം സ്‌പേസ് എക്‌സ് ഡ്രാഗണ്‍ ബഹിരാകാശ പേടകത്തില്‍ താന്‍ നടത്തിയ ചരിത്രപരമായ ദൗത്യം ഓര്‍ത്തെടുത്ത അദ്ദേഹം, ഭ്രമണപഥത്തില്‍ നിന്ന് ഇന്ത്യന്‍ ത്രിവര്‍ണ്ണ പതാകയുടെ പശ്ചാത്തലത്തില്‍ പ്രധാനമന്ത്രി നരേന്ദ്ര മോദിയോട് സംസാരിച്ച വൈകാരിക നിമിഷം വിവരിച്ചു.

'ഇന്ത്യന്‍ പതാക ബഹിരാകാശ നിലയത്തില്‍ എത്തുന്നതും ബഹിരാകാശത്തുനിന്ന് ഒരാള്‍ ഹിന്ദിയില്‍ സംസാരിക്കുന്നതും ആദ്യമായിട്ടായിരുന്നു. ആ ഓര്‍മ്മ എന്നോടൊപ്പം എപ്പോഴും ഉണ്ടാകും. ഇത്തവണ, ഞങ്ങള്‍ ഇവിടെയുണ്ടാകും,''ശുഭാന്‍ഷു ശുക്ല പറഞ്ഞു.