ന്യൂജേഴ്‌സി വിമാനത്താവളത്തിൽ പറന്നുയരുന്നതിനിടെ വൻ അപകടം, സ്‌കൈ ഡൈവിംഗ് വിമാനം തകർന്നു; വിമാനത്തിലുണ്ടായിരുന്നത്‌ 15 പേർ

ന്യൂജേഴ്സി: ന്യൂജേഴ്സിയിലെ ക്രോസ് കീസ് വിമാനത്താവളത്തില്‍ ബുധനാഴ്ച വൈകുന്നേരം സ്‌കൈഡൈവിംഗ് വിമാനം തകര്‍ന്നുവീണു. 15 പേരടങ്ങിയ സെസ്‌ന 208ആ വിമാനമാണ് അപകടത്തില്‍പ്പെട്ടത്. പ്രാദേശിക സമയം വൈകുന്നേരം 5:25-5:30 ഓടെയാണ് സംഭവം നടന്നത്.

അപകടത്തില്‍ 14 പേര്‍ക്ക് പരിക്കേറ്റു, ഇവരില്‍ മൂന്ന് പേര്‍ ഗുരുതരാവസ്ഥയില്‍ കാംഡനിലെ കൂപ്പര്‍ യൂണിവേഴ്‌സിറ്റി ആശുപത്രിയിലെ ട്രോമാ സെന്ററില്‍ ചികിത്സയിലാണ്. എട്ട് പേര്‍ക്ക് നേരിയ പരിക്കുകളുണ്ട്, നാല് പേര്‍ക്ക് ചെറിയ പരിക്കുകളാണ് ഉണ്ടായിരിക്കുന്നത്. ഒരാള്‍ ചികിത്സ സ്വീകരിക്കാന്‍ നിരസിച്ചു.

വിമാനം പറന്നുയരുന്നതിനിടെ പൈലറ്റ് എഞ്ചിന്‍ തകരാറ് റിപ്പോര്‍ട്ട് ചെയ്തിരുന്നു. തുടര്‍ന്ന് വിമാനം റണ്‍വേയ്ക്ക് സമീപം കാടിലേക്ക് തകര്‍ന്നുവീണുവെന്നാണ് പ്രാഥമിക വിവരം. സംഭവസ്ഥലത്ത് അഗ്‌നിശമനസേനയും മറ്റ് അടിയന്തരസേവനങ്ങളും രക്ഷാപ്രവര്‍ത്തനം നടത്തി.

അപകടകാരണം എഫ്എഎ അന്വേഷിച്ചുവരികയാണ്. കൂടുതല്‍ വിവരങ്ങള്‍ ലഭ്യമാകുന്നത് വരെ അധികൃതര്‍ സ്ഥലത്ത് പൊതുജനത്തെ പ്രവേശിപ്പിക്കുന്നില്ല