ഇന്‍ഡോര്‍: രാജ രഘുവംശി കൊലപാതക കേസില്‍ ഭാര്യ സോനം അറസ്റ്റിലായ പിന്നാലെ മകള്‍ നിരപരാധിയെന്ന് അവകാശപ്പെട്ട് പിതാവ് ദേവി സിംഗ്. കേസില്‍ പോലീസിനെതിരെ അദ്ദേഹം ആരോപണമുന്നയിക്കുകയും തന്റെ മകളെക്കുറിച്ച് പോലീസ് തെറ്റായ അവകാശവാദങ്ങള്‍ ഉന്നയിക്കുകയും ചെയ്യുന്നുവെന്ന് പറഞ്ഞു.
എന്റെ മകള്‍ നിരപരാധിയാണ്. എനിക്ക് എന്റെ മകളെ വിശ്വാസമുണ്ട്. അവള്‍ക്ക് ഭര്‍ത്താവിനെ കൊല്ലാന്‍ കഴിയില്ല. സോനം രഘുവംശിയുടെ അച്ഛന്‍ ദേവി സിംഗ് പറഞ്ഞു.
ഇരു കുടുംബങ്ങളുടെയും സമ്മതത്തോടെയാണ് അവരുടെ വിവാഹം നടന്നത്. മേഘാലയ സര്‍ക്കാര്‍ തുടക്കം മുതല്‍ കള്ളം പറയുകയായിരുന്നു. എന്റെ മകള്‍ ഇന്നലെ രാത്രി ഗാസിപൂരിലെ ഒരു ധാബയില്‍ എത്തി സഹോദരനെ വിളിച്ചു.
പോലീസ് ധാബയില്‍ പോയി അവളെ അവിടെ നിന്ന് കൊണ്ടുപോയി. എനിക്ക് എന്റെ മകളോട് സംസാരിക്കാന്‍ കഴിഞ്ഞിട്ടില്ല. എന്റെ മകള്‍ എന്തിനാണ് ഭര്‍ത്താവിനെ കൊല്ലുന്നത്? മേഘാലയ പോലീസ് കള്ളം പറയുകയാണ്. എന്റെ മകള്‍ ഒറ്റയ്ക്ക് ഗാസിപൂരിലെത്തി.
'മേഘാലയയില്‍ വെച്ച് അവളെ അറസ്റ്റ് ചെയ്തിട്ടില്ല. സിബിഐ അന്വേഷണം ആവശ്യപ്പെട്ട് മധ്യപ്രദേശ് മുഖ്യമന്ത്രിയെയും അന്നത്തെ കേന്ദ്ര ആഭ്യന്തര മന്ത്രി അമിത് ഷായെയും കാണാന്‍ ഞങ്ങള്‍ പദ്ധതിയിട്ടിരുന്നു.
മേഘാലയ പോലീസ് കള്ളക്കഥ കെട്ടിച്ചമയ്ക്കുകയാണ്. സിബിഐ അന്വേഷണം ആരംഭിക്കട്ടെ, മേഘാലയയിലെ പോലീസ് സ്റ്റേഷനിലെ എല്ലാ ഉദ്യോഗസ്ഥരും ജയിലിലാകും. സോനത്തിന്റെ അച്ഛന്‍ പറഞ്ഞു.
മേഘാലയയില്‍ നിന്ന് 17 ദിവസം മുമ്പ് കാണാതായ സോനത്തെ ഗാസിപൂരിലെ നന്ദ്ഗഞ്ചിലുള്ള ഒരു ധാബയില്‍ കണ്ടെത്തി. സോനം ആദ്യം ഇക്കാര്യം കുടുംബാംഗങ്ങളെ അറിയിച്ചതായും അവര്‍ ലോക്കല്‍ പോലീസിനെ അറിയിച്ചതായും പോലീസ് സൂപ്രണ്ട് ഡോ. ഇരാജ് രാജ പറഞ്ഞു.
അവിടത്തെ പോലീസില്‍ നിന്നാണ് ഞങ്ങള്‍ ഇക്കാര്യം അറിഞ്ഞത്. നിലവില്‍, നന്ദ്ഗഞ്ച് ധാബയില്‍ നിന്ന് ഞങ്ങള്‍ സോനത്തെ കൊണ്ടുവന്ന് വണ്‍ സ്റ്റോപ്പ് സെന്ററില്‍ സൂക്ഷിച്ചിരിക്കുകയാണ്, ചോദ്യം ചെയ്യല്‍ നടന്നുവരികയാണെന്നും പൊലീസ് പറഞ്ഞു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/06/09/Fx6fNzUl5nZvhFYAmZzY.jpg)