രാജയെ എന്ത് വില കൊടുത്തും കൊല്ലാന്‍ സോനം ആഗ്രഹിച്ചു. വിവാഹത്തിന് മുമ്പ് മൂന്ന് തവണ രാജയെ കൊല്ലാന്‍ ശ്രമിച്ചു. മേഘാലയയില്‍ ഹണിമൂണിന് എത്തിച്ച് രാജയെ കൊലപ്പെടുത്തിയത് നാലാമത്തെ ശ്രമത്തില്‍. ഇത്തവണയും രാജ രക്ഷപ്പെട്ടിരുന്നെങ്കില്‍ രാജുമായി ചേര്‍ന്ന് സോനം അഞ്ചാമത്തെ പദ്ധതിയും തയ്യാറാക്കിയിരുന്നു. ഞെട്ടിക്കുന്ന വെളിപ്പെടുത്തല്‍

ഷില്ലോങ്ങ്: രാജ രഘുവംശി കൊലപാതക കേസില്‍ പുതിയ വെളിപ്പെടുത്തലുകള്‍ പുറത്ത്. പ്രതിയായ സോനവും കൂട്ടാളികളും ജയിലിലാണ്.  പോലീസ് ചോദ്യം ചെയ്യലില്‍ മറ്റൊരു ഗൂഢാലോചന കൂടി പുറത്തുവന്നു. രാജയെ കൊല്ലാനുള്ള അഞ്ചാമത്തെ പദ്ധതിയും സോനവും കൂട്ടാളികളും തയ്യാറാക്കിയിരുന്നുവെന്നാണ് പുതിയ റിപ്പോര്‍ട്ട്.

രാജയെ എന്ത് വില കൊടുത്തും കൊല്ലാന്‍ സോനവും കൂട്ടുകാരും ആഗ്രഹിച്ചിരുന്നുവെന്നും വിവാഹത്തിന് മുമ്പ് അവര്‍ മൂന്ന് തവണ രാജയെ കൊല്ലാന്‍ ശ്രമിച്ചിരുന്നുവെന്നും വെളിപ്പെടുത്തി.

മേഘാലയയില്‍ ഹണിമൂണിന് പോകാനെന്ന വ്യാജേന രാജയെ കൊല്ലുന്നത് അവര്‍ വിജയിച്ച നാലാമത്തെ ശ്രമമായിരുന്നു. ഇത്തവണയും രാജ രക്ഷപ്പെട്ടിരുന്നെങ്കില്‍ രാജുമായി ചേര്‍ന്ന് സോനം അഞ്ചാമത്തെ പദ്ധതിയും തയ്യാറാക്കിയിരുന്നു.

സോനം രഘുവംശിയും കാമുകന്‍ രാജ് കുശ്വാഹയും ചേര്‍ന്ന് രാജയെ കൊല്ലാന്‍ മറ്റൊരു ഗൂഢാലോചന നടത്തിയിരുന്നു.

സൊഹ്റയില്‍ രാജ കൊല്ലപ്പെട്ടില്ലെങ്കില്‍ സോനം അദ്ദേഹത്തെ ഷില്ലോങ്ങില്‍ നിന്ന് 80 കിലോമീറ്റര്‍ അകലെയുള്ള ദൗകിയിലേക്ക് കൊണ്ടുപോകുമായിരുന്നു.

ബംഗ്ലാദേശ് അതിര്‍ത്തിയോട് വളരെ അടുത്താണ് ഈ പ്രദേശം. ഉമാംഗത് നദി ഇവിടെയാണ് ഒഴുകുന്നത്. ഒരു യാത്രയുടെ പേരില്‍ രാജയെ അവിടെ കൊണ്ടുപോയി കൊന്ന് മൃതദേഹം നദിയില്‍ എറിയാന്‍ പ്രതി പദ്ധതിയിട്ടിരുന്നു.

വെള്ളിയാഴ്ച പ്രത്യേക അന്വേഷണ സംഘം (എസ്ഐടി) സോനം ഉള്‍പ്പെടെയുള്ള എല്ലാ പ്രതികളെയും ചോദ്യം ചെയ്തു. സോനം രഘുവംശിയെ ഈസ്റ്റ് ഖാലി ഹില്‍സിലെ സദര്‍ പോലീസ് സ്റ്റേഷനിലെ വനിതാ സെല്ലിലാണ് പോലീസ് പാര്‍പ്പിച്ചിരിക്കുന്നത്.