നിര്‍മ്മലാ സീതാരാമനും മുമ്പ് ഇങ്ങനെ ചെയ്തിട്ടുണ്ട്‌. 2025-26 ലെ ബജറ്റില്‍ ഔദ്യോഗിക രൂപ ചിഹ്നത്തിന് പകരം 'റു' എന്ന തമിഴ് അക്ഷരം ഉപയോഗിക്കാനുള്ള സംസ്ഥാനത്തിന്റെ തീരുമാനത്തെ ന്യായീകരിച്ച് തമിഴ്നാട് മുഖ്യമന്ത്രി എം.കെ. സ്റ്റാലിന്‍.

ചെന്നൈ: 2025-26 ലെ ബജറ്റില്‍ ഔദ്യോഗിക രൂപ ചിഹ്നത്തിന് പകരം 'റു' എന്ന തമിഴ് അക്ഷരം ഉപയോഗിക്കാനുള്ള സംസ്ഥാനത്തിന്റെ തീരുമാനത്തെ ന്യായീകരിച്ച് തമിഴ്നാട് മുഖ്യമന്ത്രി എം.കെ. സ്റ്റാലിന്‍.

നിര്‍മ്മല സീതാരാമന്‍ മുമ്പ് ഇംഗ്ലീഷില്‍ 'Re' എന്നതിന് പകരം തമിഴ് അക്ഷരം 'Ru' (തമിഴില്‍ റുബായ്) ഉപയോഗിച്ചിരുന്നുവെന്ന് ചൂണ്ടിക്കാട്ടി.

നിര്‍മ്മല സീതാരാമന്‍ തന്നെ ഇംഗ്ലീഷില്‍ 'Re' എന്നതിന് പകരം 'Ru' ഉപയോഗിച്ചിട്ടുണ്ട്,' സ്റ്റാലിന്‍ പറഞ്ഞു. തമിഴ് ഭാഷയെ പ്രോത്സാഹിപ്പിക്കുന്നതിനുള്ള സംസ്ഥാനത്തിന്റെ പ്രതിബദ്ധതയാണ് ഈ നീക്കത്തിലൂടെ പ്രതിഫലിക്കുന്നതെന്ന് അദ്ദേഹം കൂട്ടിച്ചേര്‍ത്തു.

'ഭാഷാ വിഷയത്തില്‍ ഞങ്ങളുടെ അചഞ്ചലമായ നിലപാട് പ്രകടിപ്പിക്കുന്നതിനാണ് ഞങ്ങള്‍ തമിഴ് റു ചിഹ്നം അവതരിപ്പിച്ചത്,' സ്റ്റാലിന്‍ പറഞ്ഞു. തമിഴിനെ എതിര്‍ക്കുന്നവര്‍ ഈ നീക്കത്തെ 'ഒരു വലിയ വിവാദമാക്കി' മാറ്റിയതിനെയും അദ്ദേഹം വിമര്‍ശിച്ചു.

ശമ്പളത്തിനും വിദ്യാഭ്യാസത്തിനുമുള്ള ഫണ്ടുകള്‍ക്കായി കേന്ദ്ര ധനമന്ത്രിയോട് നൂറുകണക്കിന് അഭ്യര്‍ത്ഥനകള്‍ നടത്തിയിട്ടും സംസ്ഥാനത്തിന് മറുപടി ലഭിച്ചില്ലെന്ന് സ്റ്റാലിന്‍ പറഞ്ഞു. ഇംഗ്ലീഷ് രേഖകളില്‍ പലരും ഇപ്പോഴും 'Re' എന്നതിന് പകരം 'Rs' എന്ന പദം ഉപയോഗിക്കുന്നത് വിവാദങ്ങളില്ലാതെയാണെന്ന് അദ്ദേഹം ചൂണ്ടിക്കാട്ടി.