തെലങ്കാനയിലെ നൽഗൊണ്ട ജില്ലയിൽ നിന്നുള്ള ഇന്ത്യൻ വിദ്യാർത്ഥി അമേരിക്കയിൽ ദുരൂഹ സാഹചര്യത്തിൽ മരിച്ചു

വാഷിംഗ്ടണ്‍: തെലങ്കാനയിലെ നല്‍ഗൊണ്ട ജില്ലയില്‍ നിന്നുള്ള ഒരു യുവ ഇന്ത്യന്‍ വിദ്യാര്‍ത്ഥി അമേരിക്കയില്‍ ദുരൂഹ സാഹചര്യത്തില്‍ മരിച്ചു.

റിപ്പോര്‍ട്ടുകള്‍ പ്രകാരം, മരിച്ചയാള്‍ മെല്ലഡുപ്പലപ്പള്ളി ഗ്രാമവാസിയായ പവന്‍ കുമാര്‍ റെഡ്ഡിയാണെന്ന് തിരിച്ചറിഞ്ഞു. സുഹൃത്തുക്കള്‍ക്കൊപ്പം അത്താഴം കഴിക്കുന്നതിനിടെ പെട്ടെന്ന് അസുഖം ബാധിച്ചതായി റിപ്പോര്‍ട്ടുണ്ട്. സുഹൃത്തുക്കള്‍ അദ്ദേഹത്തെ ആശുപത്രിയില്‍ എത്തിച്ചെങ്കിലും ചികിത്സയ്ക്കിടെ മരിച്ചു.

ഭക്ഷ്യവിഷബാധ മൂലമാണ് റെഡ്ഡി മരിച്ചതെന്ന് സോഷ്യല്‍ മീഡിയയില്‍ പ്രചരിക്കുന്ന നിരവധി പോസ്റ്റുകള്‍ അവകാശപ്പെടുന്നു.

യുഎസ് അധികൃതര്‍ ഈ അവകാശവാദങ്ങള്‍ സ്ഥിരീകരിച്ചിട്ടില്ല, കേസില്‍ വിശദമായ അന്വേഷണം ആരംഭിച്ചിട്ടുണ്ട്. തുടക്കത്തില്‍ ഹൃദയാഘാതം സംശയിച്ചിരുന്നുവെങ്കിലും മരണകാരണം സംബന്ധിച്ച് ഉദ്യോഗസ്ഥര്‍ ഔദ്യോഗിക പ്രസ്താവനയൊന്നും പുറപ്പെടുവിച്ചിട്ടില്ല.