സുബീൻ ഗാർഗിൻ്റെ മരണത്തിൽ സുരക്ഷാ ജീവനക്കാർ അറസ്റ്റിൽ

ഡല്‍ഹി: ഗായകന്‍ സുബീന്‍ ഗാര്‍ഗിന്റെ മരണവുമായി ബന്ധപ്പെട്ട് രണ്ട് പേഴ്സണല്‍ സെക്യൂരിറ്റി ഓഫീസര്‍മാരെ അറസ്റ്റ് ചെയ്തു. 

ദീര്‍ഘകാലമായി ഗാര്‍ഗിന്റെ പിഎസ്ഒമാരായി നിയമിക്കപ്പെട്ടിരുന്ന നന്ദേശ്വര്‍ ബോറ, പരേഷ് ബൈഷ്യ എന്നിവരെ കസ്റ്റഡിയിലെടുത്ത് ഗുവാഹത്തിയിലെ ചീഫ് ജുഡീഷ്യല്‍ മജിസ്ട്രേറ്റ് (സിജെഎം) കോടതിയില്‍ ഹാജരാക്കിയതായി വാര്‍ത്താ ഏജന്‍സി എഎന്‍ഐ റിപ്പോര്‍ട്ട് ചെയ്തു.

സുബീന്‍ രണ്ട് പിഎസ്ഒമാര്‍ക്കും കുറച്ച് പണം നല്‍കിയിട്ടുണ്ട്. ഈ ഇടപാടുകളെക്കുറിച്ച് അന്വേഷണം നടന്നുവരികയാണ്. പിഎസ്ഒമാരുടെ അക്കൗണ്ടുകളില്‍ 1.1 കോടിയിലധികം രൂപയുടെ സാമ്പത്തിക ക്രമക്കേടുകള്‍ പോലീസ് കണ്ടെത്തിയതിനെ തുടര്‍ന്നാണ് ഇവരെ സസ്പെന്‍ഡ് ചെയ്തത്.

ഒരു അക്കൗണ്ടില്‍ 70 ലക്ഷം രൂപയും മറ്റൊന്നില്‍ 45 ലക്ഷം രൂപയും, ഇത് അവരുടെ അറിയപ്പെടുന്ന വരുമാന സ്രോതസ്സുകളെക്കാള്‍ വളരെ കൂടുതലാണ്.