സുബീൻ ഗാർഗ് മരണക്കേസ്: സംശയാസ്പദമായ സാഹചര്യങ്ങളൊന്നും കണ്ടെത്തിയിട്ടില്ലെന്ന് സിംഗപ്പൂർ പോലീസ്

ഡല്‍ഹി: ഗായകന്‍ സുബീന്‍ ഗാര്‍ഗിന്റെ മരണത്തില്‍ സിംഗപ്പൂര്‍ പോലീസ് 'ഫൗള്‍ പ്ലേ' തള്ളിക്കളഞ്ഞു. അസമീസ് ഗായകന്‍ സെപ്റ്റംബര്‍ 19 ന് കടലില്‍ നീന്തുന്നതിനിടെയാണ് മരിച്ചത്. 

ഈ കേസില്‍ ഒരു കുറ്റകൃത്യവും കണ്ടെത്തിയിട്ടില്ലെന്ന് സിംഗപ്പൂര്‍ പോലീസ് ഒരു പ്രസ്താവന ഇറക്കി. സുബീന്‍ ഗാര്‍ഗിന്റെ മരണവുമായി ബന്ധപ്പെട്ട അവരുടെ കണ്ടെത്തലുകളില്‍ നിന്നുള്ള സൂചനകള്‍ ഉള്‍പ്പെടുത്തി ഇന്ത്യയിലെ സിംഗപ്പൂരിന്റെ ഔദ്യോഗിക എക്‌സ് അക്കൗണ്ട് വിശദമായ ഒരു കുറിപ്പ് പങ്കിട്ടു. 

'സുബീന്‍ ഗാര്‍ഗിന്റെ മരണത്തെക്കുറിച്ച് സമഗ്രവും പ്രൊഫഷണലുമായ അന്വേഷണം നടത്താന്‍ സിംഗപ്പൂര്‍ പോലീസ് സേന പ്രതിജ്ഞാബദ്ധമാണ്.

സ്ഥിരീകരിക്കാത്ത വിവരങ്ങള്‍ ഊഹാപോഹങ്ങള്‍ പ്രചരിപ്പിക്കരുതെന്ന് ഞങ്ങള്‍ പൊതുജനങ്ങളോട് അഭ്യര്‍ത്ഥിക്കുന്നു ഔദ്യോഗിക പ്രസ്താവനയില്‍ പറയുന്നു.