നേപ്പാളിലെ സഹോദരീ സഹോദരന്മാരുടെ സമാധാനത്തിനും പുരോഗതിക്കും സമൃദ്ധിക്കും ഇന്ത്യ പൂർണ്ണമായും പ്രതിജ്ഞാബദ്ധമാണെന്ന് പ്രധാനമന്ത്രി മോദി. ഇരു രാജ്യങ്ങളിലെയും ജനങ്ങളുടെ ക്ഷേമത്തിനു വേണ്ടി ഇന്ത്യ നേപ്പാളുമായി അടുത്ത് പ്രവർത്തിക്കുന്നത് തുടരുമെന്ന് ഇന്ത്യൻ വിദേശകാര്യ മന്ത്രാലയം

ഡല്‍ഹി: നേപ്പാളിലെ ജനറല്‍-ജി പ്രസ്ഥാനത്തിനുശേഷം, ഇടക്കാല സര്‍ക്കാര്‍ രൂപീകരിച്ചു. ഇടക്കാല പ്രധാനമന്ത്രിയായി ചുമതലയേറ്റ മുന്‍ ചീഫ് ജസ്റ്റിസ് സുശീല കാര്‍ക്കിയെ പ്രധാനമന്ത്രി മോദി അഭിനന്ദിച്ചു. സോഷ്യല്‍ മീഡിയ പ്ലാറ്റ്ഫോമായ എക്സിലെ ഒരു പോസ്റ്റില്‍ പ്രധാനമന്ത്രി മോദി സുശീല കാര്‍ക്കിയെ അഭിനന്ദിച്ചു.

നേപ്പാളിലെ ഇടക്കാല സര്‍ക്കാരിന്റെ പ്രധാനമന്ത്രിയായി സ്ഥാനമേറ്റെടുത്ത സുശീല കര്‍ക്കിക്ക് അഭിനന്ദനങ്ങള്‍ എന്ന് പ്രധാനമന്ത്രി മോദി കുറിച്ചു. നേപ്പാളിലെ സഹോദരീ സഹോദരന്മാരുടെ സമാധാനത്തിനും പുരോഗതിക്കും സമൃദ്ധിക്കും ഇന്ത്യ പൂര്‍ണ്ണമായും പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേര്‍ത്തു.

വെള്ളിയാഴ്ച രാത്രി 9 മണിയോടെയാണ് സുശീല്‍ കര്‍ക്കി നേപ്പാളിന്റെ ഇടക്കാല പ്രധാനമന്ത്രിയായി സത്യപ്രതിജ്ഞ ചെയ്തത്. നേപ്പാള്‍ പ്രസിഡന്റ് സത്യവാചകം ചൊല്ലിക്കൊടുത്തു.

അടുത്ത അയല്‍ക്കാരന്‍, ജനാധിപത്യ രാജ്യം, ദീര്‍ഘകാല വികസന പങ്കാളി എന്നീ നിലകളില്‍ ഇരു രാജ്യങ്ങളിലെയും ജനങ്ങളുടെയും ക്ഷേമത്തിനും വേണ്ടി ഇന്ത്യ നേപ്പാളുമായി അടുത്ത് പ്രവര്‍ത്തിക്കുന്നത് തുടരുമെന്ന് ഇന്ത്യന്‍ വിദേശകാര്യ മന്ത്രാലയം പുറത്തിറക്കിയ പ്രസ്താവനയില്‍ പറഞ്ഞു.

2026 മാര്‍ച്ച് 5 ന് നേപ്പാളില്‍ പൊതുതെരഞ്ഞെടുപ്പ് നടക്കും. ഈ തിരഞ്ഞെടുപ്പിന് ശേഷം, ഇടക്കാല സര്‍ക്കാരിന് പകരം നേപ്പാളില്‍ ഒരു പുതിയ സര്‍ക്കാര്‍ വരും.