പ്രധാനമന്ത്രി മോദി ഗുജറാത്തിൽ വൈദ്യുത വാഹന പ്ലാന്റ് ഉദ്ഘാടനം ചെയ്തു, ഇ-വിറ്റാര ഫ്ലാഗ് ഓഫ് ചെയ്തു; 100 രാജ്യങ്ങളിലേക്ക് കയറ്റുമതി ചെയ്യും

ഡല്‍ഹി: അഹമ്മദാബാദിലെ ഹന്‍സല്‍പൂരിലുള്ള സുസുക്കി മോട്ടോര്‍ പ്ലാന്റില്‍ സുസുക്കിയുടെ ആദ്യത്തെ ആഗോള തന്ത്രപരമായ ബാറ്ററി ഇലക്ട്രിക് വാഹനം 'ഇ-വിറ്റാര' പ്രധാനമന്ത്രി നരേന്ദ്ര മോദി ഫ്‌ലാഗ് ഓഫ് ചെയ്തു. 

ഇന്ത്യയിലെ ഏറ്റവും വലിയ കാര്‍ നിര്‍മ്മാതാക്കളായ മാരുതി സുസുക്കി 2025 ജനുവരിയില്‍ നടന്ന ഇന്ത്യ മൊബിലിറ്റി ഗ്ലോബല്‍ എക്സ്പോയില്‍ 'ഇ-വിറ്റാര' പ്രദര്‍ശിപ്പിച്ചു.

കമ്പനിയുടെ നാല് ഇന്ത്യന്‍ യൂണിറ്റുകളുടെയും ആകെ വാര്‍ഷിക ശേഷി 26 ലക്ഷം യൂണിറ്റാണ്, 2025 സാമ്പത്തിക വര്‍ഷത്തില്‍ ഇത് 3.32 ലക്ഷം വാഹനങ്ങള്‍ കയറ്റുമതി ചെയ്യുകയും 19.01 ലക്ഷം യൂണിറ്റുകള്‍ ആഭ്യന്തര വിപണിയില്‍ വില്‍ക്കുകയും ചെയ്തു.

'ഇ-വിറ്റാര'യുടെ വാണിജ്യ ഉത്പാദനം ചൊവ്വാഴ്ച മുതല്‍ ഹന്‍സല്‍പൂര്‍ പ്ലാന്റില്‍ ആരംഭിക്കും.