ദേശീയഗാനത്തിന് പകരം സംസ്ഥാന ഗാനം മാത്രം അവതരിപ്പിച്ചു. ദേശീയ ഗാനത്തോട് അനാദരവ് കാണിച്ചെന്ന് ആരോപിച്ച് പതിവ് പ്രസംഗം നടത്താതെ നിയമസഭ വിട്ട് തമിഴ്‌നാട് ഗവര്‍ണര്‍

ചെന്നൈ: തമിഴ്നാട് നിയമസഭയുടെ ശീതകാല സമ്മേളനത്തിന്റെ ആദ്യ ദിനം നാടകീയ സംഭവങ്ങള്‍ക്ക് സാക്ഷിയായി നിയമസഭ. ഗവര്‍ണര്‍ ആര്‍എന്‍ രവി പതിവ് പ്രസംഗം നടത്താതെ ഇറങ്ങിപ്പോയി.ഇതോടെ പ്രതിപക്ഷ പാര്‍ട്ടികള്‍ നിയമസഭയ്ക്കുള്ളില്‍ പ്രതിഷേധം നടത്തി.

സംസ്ഥാന നിയമസഭയുടെ ആദ്യ സമ്മേളനത്തില്‍ ദേശീയ ഗാനവുമായി ബന്ധപ്പെട്ട ഗുരുതരമായ നിയമലംഘനങ്ങള്‍ പരാമര്‍ശിച്ച് ഗവര്‍ണര്‍ രവി ഇറങ്ങിപ്പോകുകയായിരുന്നു.

ഗവര്‍ണര്‍ നിയമസഭയിലെത്തിയ ശേഷം ദേശീയഗാനത്തിന് പകരം 'തമിഴ് തായ് വാഴ്ത്ത്' എന്ന സംസ്ഥാന ഗാനം മാത്രമാണ് അവതരിപ്പിച്ചതെന്ന് രാജ്ഭവന്റെ ഓഫീസില്‍ നിന്നുള്ള പ്രസ്താവനയില്‍ പറയുന്നു

ഭരണഘടനയോടും ദേശീയഗാനത്തോടും കാട്ടിയ അനാദരവിന്റെ പേരില്‍ കടുത്ത വേദനയോടെയാണ് ഗവര്‍ണര്‍ രവി സഭ വിട്ടതെന്ന് രാജ്ഭവനില്‍ നിന്നുള്ള പ്രസ്താവനയില്‍ പറയുന്നു.

'ഇന്ന് ഗവര്‍ണര്‍ സഭയിലെത്തിയപ്പോള്‍ 'തമിഴ് തായ് വാഴ്ത്ത്' മാത്രമാണ് പാടിയത്. ഗവര്‍ണര്‍ സഭയുടെ ഭരണഘടനാപരമായ കടമയെക്കുറിച്ച് ആദരവോടെ ഓര്‍മ്മിപ്പിക്കുകയും ദേശീയ ഗാനം ആലപിക്കാന്‍ സഭാനേതാവും ബഹുമാനപ്പെട്ട സ്പീക്കറുമായ മുഖ്യമന്ത്രിയോട് അഭ്യര്‍ത്ഥിക്കുകയും ചെയ്തു

എന്നാല്‍ അവര്‍ നിരസിച്ചു. ഇത് അതീവ ആശങ്കാജനകമാണ്. ഭരണഘടനയോടും ദേശീയഗാനത്തോടുമുള്ള അനാദരവിന്റെ കക്ഷിയാകാതിരിക്കാന്‍ ഗവര്‍ണര്‍ കടുത്ത വേദനയോടെ സഭ വിട്ടു. രാജ്ഭവനില്‍ നിന്നുള്ള പ്രസ്താവനയില്‍ പറയുന്നു.