/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/08/uXrgPpPlFP3IUJgxF64M.jpg)
മുംബൈ: എലോണ്‍ മസ്‌കിന്റെ ഇലക്ട്രിക് കാര്‍ കമ്പനിയായ ടെസ്ലയ്ക്ക് ഇന്ത്യയില്‍ നിക്ഷേപിക്കാന്‍ ഏറ്റവും അനുയോജ്യമായ സ്ഥലം മഹാരാഷ്ട്രയാണെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ്.
'ടെസ്ല ഇന്ത്യയില്‍ വരുമെന്ന് ഞങ്ങള്‍ പ്രതീക്ഷിക്കുന്നു. അദ്ദേഹം ഞങ്ങളോട് ചോദിച്ചാല്‍ മഹാരാഷ്ട്ര നിക്ഷേപത്തിന് നല്ലൊരു സ്ഥലമാണെന്ന് തെളിയിക്കാന്‍ കഴിയുമെന്ന് ഞങ്ങള്‍ പറയും. ഫഡ്നാവിസ് പറഞ്ഞു.
ഇന്ത്യയിലെ ആദ്യത്തെ ഷോറൂമിനുള്ള സ്ഥലം ടെസ്ല അന്തിമമാക്കിയതായി റിപ്പോര്‍ട്ടുകള്‍ വരുന്ന സമയത്താണ് ഫഡ്നാവിസിന്റെ പ്രസ്താവന വന്നിരിക്കുന്നത്. രജിസ്‌ട്രേഷന്‍ പേപ്പറുകളുടെ അടിസ്ഥാനത്തില്‍ ഇലക്ട്രിക് കാര്‍ നിര്‍മ്മാതാവ് മുംബൈയില്‍ ആദ്യത്തെ ഷോറൂം തുറക്കുന്നതിനുള്ള കരാര്‍ ഒപ്പുവച്ചതായി റോയിട്ടേഴ്സ് റിപ്പോര്‍ട്ട് ചെയ്തു.
റിപ്പോര്‍ട്ട് അനുസരിച്ച് ടെസ്ലയുടെ ഇന്ത്യയിലെ ആദ്യത്തെ ഷോറൂം ബാന്ദ്ര കുര്‍ള കോംപ്ലക്സിലെ മേക്കര്‍ മാക്‌സിറ്റി ബില്‍ഡിംഗില്‍ തുറക്കും.
ഇതിനായി 2025 ഫെബ്രുവരി 16 മുതല്‍ ടെസ്ല 5 വര്‍ഷത്തെ പാട്ടക്കരാര്‍ ഒപ്പുവച്ചു. അതില്‍ ആദ്യ വര്‍ഷം 372 ചതുരശ്ര മീറ്റര്‍ സ്ഥലത്തിന് 38,872,030 രൂപ വരെ വാടക നല്‍കും. ഈ സ്ഥലത്തിന് ഒരു ബാസ്‌കറ്റ്‌ബോള്‍ കോര്‍ട്ടിന്റെ വലിപ്പമുണ്ട്.
2023 ആകുമ്പോഴേക്കും മഹാരാഷ്ട്രയെ ഒരു ട്രില്യണ്‍ ഡോളര്‍ സമ്പദ്വ്യവസ്ഥയാക്കി മാറ്റുമെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് പറഞ്ഞു.
അര ട്രില്യണ്‍ ഡോളര്‍ സമ്പദ്വ്യവസ്ഥ എന്ന നാഴികക്കല്ല് പിന്നിട്ട രാജ്യത്തെ ഏക സംസ്ഥാനം മഹാരാഷ്ട്രയാണെന്ന് അദ്ദേഹം പറഞ്ഞു. ബെംഗളൂരുവിന് പകരം മുംബൈ ഇപ്പോള്‍ സ്റ്റാര്‍ട്ടപ്പുകളുടെ താവളമായി മാറുകയാണെന്നും അദ്ദേഹം പറഞ്ഞു.