മുംബൈ ആക്രമണത്തിന്റെ സൂത്രധാരന്‍ തഹാവൂര്‍ റാണയെ ഇന്ത്യയിലേക്ക് കൈമാറുന്നത് ഒഴിവാക്കാന്‍ നടത്തിയ 'അവസാന നീക്കവും' പരാജയപ്പെട്ടു, യുഎസ് സുപ്രീം കോടതിക്ക് മുന്നില്‍ വിലപ്പോകാതെ പാക് തന്ത്രം

മുംബൈ:  മുംബൈ ഭീകരാക്രമണക്കേസില്‍ പ്രതിയായ തഹാവൂര്‍ ഹുസൈന്‍ റാണ തന്നെ ഇന്ത്യയ്ക്ക് കൈമാറുന്നത് തടയണമെന്ന് ആവശ്യപ്പെട്ട് യുഎസ് സുപ്രീം കോടതിയില്‍ 'അടിയന്തര അപേക്ഷ' സമര്‍പ്പിച്ചു. 

റാണയുടെ നാടുകടത്തല്‍ സ്റ്റേ അപേക്ഷ യുഎസ് കോടതി തള്ളി. പാകിസ്ഥാന്‍ വംശജനായ ഒരു മുസ്ലീം ആയതിനാല്‍ ഇന്ത്യയില്‍ തന്നെ ഉപദ്രവിക്കുമെന്ന് റാണ തന്റെ ഹര്‍ജിയില്‍ പറഞ്ഞിരുന്നു. 

പാകിസ്ഥാന്‍-കനേഡിയന്‍ പൗരനായ റാണ (64) നിലവില്‍ ലോസ് ഏഞ്ചല്‍സ് മെട്രോപൊളിറ്റന്‍ തടങ്കല്‍ കേന്ദ്രത്തിലാണ്. 26/11 മുംബൈ ആക്രമണത്തിന്റെ പ്രധാന ഗൂഢാലോചനക്കാരില്‍ ഒരാളും പാകിസ്ഥാന്‍-അമേരിക്കന്‍ ഭീകരനുമായ ഡേവിഡ് കോള്‍മാന്‍ ഹെഡ്ലിയുടെ അടുത്ത അനുയായിയായിരുന്നു അദ്ദേഹം

26/11 മുംബൈ ആക്രമണത്തിലെ പങ്കാളിത്തത്തിന് ഇന്ത്യയില്‍ വിചാരണ നേരിടാന്‍ വേണ്ടി, 'ലോകത്തിലെ ഏറ്റവും മോശം ആളുകളില്‍ ഒരാളായ' റാണയെ ഇന്ത്യയിലേക്ക് കൈമാറാന്‍ തന്റെ ഭരണകൂടം അംഗീകാരം നല്‍കിയതായി യുഎസ് പ്രസിഡന്റ് ഡൊണാള്‍ഡ് ട്രംപ് കഴിഞ്ഞ മാസം പ്രഖ്യാപിച്ചു. 

'ഇന്ത്യയിലേക്ക് തന്നെ കൈമാറുന്നത് സ്റ്റേ ചെയ്യണമെന്ന്' ആവശ്യപ്പെട്ട് റാണ യുഎസ് സുപ്രീം കോടതിയിലെ അസോസിയേറ്റ് ജസ്റ്റിസിനും ഒമ്പതാം സര്‍ക്യൂട്ടിലെ സര്‍ക്യൂട്ട് ജഡ്ജിക്കും മുമ്പാകെ ഒരു 'അടിയന്തര അപേക്ഷ' സമര്‍പ്പിച്ചു.

ഫെബ്രുവരി 13 ന് താന്‍ സമര്‍പ്പിച്ച ഹര്‍ജിയുടെ അടിസ്ഥാനത്തില്‍ നിലവിലുള്ള കേസ് തീര്‍പ്പാക്കുന്നത് വരെ തന്നെ ഇന്ത്യയിലേക്ക് കൈമാറുന്നത് നിര്‍ത്തിവയ്ക്കണമെന്ന് റാണ ആവശ്യപ്പെട്ടു.

തന്നെ ഇന്ത്യയിലേക്ക് കൈമാറുന്നത് യുഎസ് നിയമത്തിന്റെയും പീഡനത്തിനെതിരായ യുഎന്‍ കണ്‍വെന്‍ഷന്റെയും ലംഘനമാണെന്ന് റാണ തന്റെ പുതിയ ഹര്‍ജിയില്‍ വാദിച്ചു, കാരണം 'തന്നെ ഇന്ത്യയിലേക്ക് കൈമാറിയാല്‍ പീഡനത്തിന് ഇരയാകാന്‍ സാധ്യതയുണ്ടെന്ന് വിശ്വസിക്കാന്‍ ഗണ്യമായ കാരണങ്ങളുണ്ട്'.

'ഈ കേസില്‍ പീഡന സാധ്യത ഇതിലും വലുതാണ്. ഹര്‍ജിക്കാരന്‍ പാകിസ്ഥാന്‍ വംശജനായ ഒരു മുസ്ലീമായതിനാലും മുംബൈ ആക്രമണത്തില്‍ പങ്കുണ്ടെന്ന് ആരോപിക്കപ്പെടുന്നതിനാലും ഗുരുതരമായ അപകടം നേരിടുന്നു എന്ന് ഹര്‍ജിയില്‍ പറയുന്നു.

ഹര്‍ജിക്കാരന്റെ 'ഗുരുതരമായ ആരോഗ്യസ്ഥിതി' കണക്കിലെടുത്ത് ഈ കേസില്‍ അദ്ദേഹത്തെ ഇന്ത്യന്‍ തടങ്കല്‍ കേന്ദ്രങ്ങളിലേക്ക് കൈമാറുന്നത് 'വസ്തുതാപരമായി' വധശിക്ഷ വിധിക്കുന്നതിന് തുല്യമാണെന്നും ഹര്‍ജിയില്‍ പറയുന്നു.

ഹൃദ്രോഗം, പാര്‍ക്കിന്‍സണ്‍സ് രോഗം, മൂത്രാശയ കാന്‍സര്‍, വൃക്കരോഗം, ആസ്ത്മ എന്നിവയുള്‍പ്പെടെ നിരവധി 'ഗുരുതരവും ജീവന് ഭീഷണിയുമായ രോഗങ്ങളും ആരോഗ്യസ്ഥിതികളും' അദ്ദേഹത്തിന് അനുഭവപ്പെട്ടിരുന്നുവെന്നും അദ്ദേഹത്തിന് നിരവധി തവണ കൊവിഡ്19 ബാധിച്ചിട്ടുണ്ടെന്നും കാണിക്കുന്ന 2024 ജൂലൈ മുതലുള്ള മെഡിക്കല്‍ രേഖകള്‍ ഹര്‍ജിയില്‍ ഉദ്ധരിച്ചു.

അതനുസരിച്ച് ഇന്ത്യന്‍ അധികാരികള്‍ക്ക് കൈമാറിയാല്‍ താന്‍ പീഡനത്തിന് വിധേയനാകുമെന്ന് വിശ്വസിക്കാന്‍ ഗണ്യമായ കാരണങ്ങളുണ്ടെന്ന് ഹര്‍ജിയില്‍ പറയുന്നു.

ഹര്‍ജിക്കാരന്‍ പാകിസ്ഥാന്‍ വംശജനായ ഒരു മുസ്ലീമാണെന്നതും പാകിസ്ഥാന്‍ സൈന്യവുമായുള്ള അദ്ദേഹത്തിന്റെ മുന്‍കാല ബന്ധവും, 2008 ലെ മുംബൈ ആക്രമണവുമായി ബന്ധപ്പെട്ട ആരോപണങ്ങളും കണക്കിലെടുക്കുമ്പോള്‍ അദ്ദേഹം പീഡിപ്പിക്കപ്പെടാനുള്ള സാധ്യത വളരെ കൂടുതലാണെന്നും ഹര്‍ജിയില്‍ പറയുന്നു.