മുസാഫര്‍പൂരില്‍ വീട്ടില്‍ അതിക്രമിച്ച് കയറിയ സംഘം പെണ്‍കുട്ടിയെ കഴുത്തറുത്ത് കൊലപ്പെടുത്തി

മുസാഫര്‍പൂര്‍:  മീനാപൂര്‍ പോലീസ് സ്റ്റേഷന്‍ പരിധിയിലെ ബഹ്ബല്‍ ബസാര്‍ ചൗക്കിന് സമീപം പെണ്‍കുട്ടിയെ കഴുത്തറുത്ത് കൊലപ്പെടുത്തി. മോതിഹാരി ജില്ലയിലെ മധുബന്‍ പോലീസ് സ്റ്റേഷന്‍ പരിധിയിലെ ഭരത് പ്രസാദിന്റെ മകള്‍ തനു കുമാരിയാണ് മരിച്ചത്.

അമ്മയോടൊപ്പം ഒരു വാടക വീട്ടിലായിരുന്നു പെണ്‍കുട്ടി താമസിച്ചിരുന്നത്. അച്ഛന്‍ മധുബനിലാണ് താമസിക്കുന്നത്. സഹോദരന്‍ രാഹുല്‍ നഗരത്തിലെ ഒരു കമ്പനിയില്‍ സെയില്‍സ്മാനായി ജോലി ചെയ്യുകയാണ്.

രാത്രിയില്‍ വീടിന്റെ ചില്ല് തകര്‍ത്ത് ആരോ മുറിയില്‍ അതിക്രമിച്ചു കയറിയതായി പെണ്‍കുട്ടിയുടെ സഹോദരന്‍ രാഹുല്‍ പറഞ്ഞു. അമ്മ അക്രമിയുമായി വഴക്കുണ്ടാക്കി.

രക്ഷിക്കാന്‍ തനു എത്തിയപ്പോള്‍ ജനലിന്റെ ചില്ല് ഉപയോഗിച്ച് കഴുത്ത് അറുത്തു. ഫോറന്‍സിക് സംഘം സ്ഥലത്തെത്തി തെളിവുകള്‍ ശേഖരിച്ചുവരികയാണ്.