ബൂത്ത് ലെവല്‍ ഓഫീസര്‍മാരെ ഏതെങ്കിലും രാഷ്ട്രീയ പാര്‍ട്ടി സമ്മര്‍ദ്ദം ചെലുത്തുകയോ ഭീഷണിപ്പെടുത്തുകയോ ചെയ്യുന്നില്ലെന്ന് ഉറപ്പാക്കണം. പശ്ചിമ ബംഗാള്‍ പോലീസിനും കൊല്‍ക്കത്ത പോലീസ് മേധാവിക്കും കത്ത് എഴുതി തിരഞ്ഞെടുപ്പ് കമ്മീഷന്‍

കൊല്‍ക്കത്ത: പശ്ചിമ ബംഗാളില്‍ നടന്നുകൊണ്ടിരിക്കുന്ന വോട്ടര്‍ പട്ടിക പരിഷ്‌കരണവുമായി ബന്ധപ്പെട്ട് ഭരണകക്ഷിയായ തൃണമൂല്‍ കോണ്‍ഗ്രസിനെതിരെ തിരഞ്ഞെടുപ്പ് കമ്മീഷന്‍.

പാര്‍ട്ടിയുടെ അവകാശവാദങ്ങള്‍ അടിസ്ഥാനരഹിതമാണെന്ന് തള്ളിക്കളഞ്ഞ കമ്മീഷന്‍, തിരഞ്ഞെടുപ്പ് കമ്മീഷന്റെ ഉദ്യോഗസ്ഥരുടെ പ്രവര്‍ത്തനത്തിനിടെ അവരെ ഭീഷണിപ്പെടുത്തുകയോ സമ്മര്‍ദ്ദം ചെലുത്തുകയോ ചെയ്യരുതെന്ന് മമത ബാനര്‍ജി സര്‍ക്കാരിനോട് ഉപദേശിച്ചു.

ടിഎംസി ഉന്നയിച്ച ആരോപണങ്ങള്‍ക്ക് വ്യക്തമായ മറുപടി നല്‍കിക്കൊണ്ട്, സംസ്ഥാനത്തിന് ഒരു റോള്‍ നിരീക്ഷകനെ നിയമിക്കാന്‍ കമ്മീഷന്‍ ഉത്തരവിട്ടതായി വൃത്തങ്ങള്‍ അറിയിച്ചു. 

ബൂത്ത് ലെവല്‍ ഓഫീസര്‍മാരെ (ബിഎല്‍ഒ) ഏതെങ്കിലും രാഷ്ട്രീയ പാര്‍ട്ടി പ്രവര്‍ത്തകര്‍ സമ്മര്‍ദ്ദത്തിലാക്കുകയോ ഭീഷണിപ്പെടുത്തുകയോ ചെയ്യുന്നില്ലെന്ന് ഉറപ്പാക്കാന്‍ പശ്ചിമ ബംഗാള്‍ പോലീസിനും കൊല്‍ക്കത്ത പോലീസ് മേധാവിക്കും തിരഞ്ഞെടുപ്പ് കമ്മീഷന്‍ ഒരു കത്ത് നല്‍കി.