തമിഴ്‌നാട്ടിലെ ചിറ്റേരി റെയിൽവേ സ്റ്റേഷനിൽ വൻ അപകടം, പാസഞ്ചർ ട്രെയിൻ പാളം തെറ്റി; ട്രാക്ക് തകർന്ന നിലയിൽ കണ്ടെത്തി

ഡൽഹി: തമിഴ്‌നാട്ടിലെ റാണിപേട്ട് ജില്ലയിൽ ചിറ്റേരി റെയിൽവേ സ്റ്റേഷനിൽ ആരക്കോണം-കാട്പാടി മെമു പാസഞ്ചർ ട്രെയിൻ (66057) പാളം തെറ്റിയ സംഭവം സംഘർഷാവസ്ഥയ്ക്ക് ഇടയാക്കി.

ട്രെയിൻ സ്റ്റേഷനിൽ നിന്ന് പുറപ്പെട്ടതിനു പിന്നാലെ പാളം തെറ്റിയതായാണ് റിപ്പോർട്ട്. സംഭവസ്ഥലത്ത് നിന്നുള്ള ചിത്രങ്ങളിൽ റെയിൽവേ ട്രാക്കിന്റെ ഒരു ഭാഗം തകർന്നതായി വ്യക്തമാണ്.

ലോക്കോ പൈലറ്റ് വലിയ ശബ്ദം കേട്ടതിനെ തുടർന്ന് ഉടൻ ട്രെയിൻ നിർത്തിയെന്ന് ദൃക്‌സാക്ഷികളും പ്രാഥമിക അന്വേഷണവും വ്യക്തമാക്കുന്നു.

സംഭവത്തിൽ ആർക്കും പരിക്കേൽക്കുകയോ ആളപായം സംഭവിക്കുകയോ ചെയ്തിട്ടില്ലെന്ന് സ്ഥലത്തുണ്ടായിരുന്ന ഒരു മുതിർന്ന പോലീസ് ഉദ്യോഗസ്ഥൻ അറിയിച്ചു. കൂടുതൽ വിവരങ്ങൾ റെയിൽവേ അധികൃതർ പിന്നീട് അറിയിക്കും.