ഡൽഹിയിലെ രോഹിണി വെസ്റ്റ് മെട്രോ സ്റ്റേഷനിൽ ട്രെയിനിന് മുന്നിൽ ചാടി യുവാവ് മരിച്ചു

ഡല്‍ഹി: ഡല്‍ഹിയിലെ രോഹിണി വെസ്റ്റ് മെട്രോ സ്റ്റേഷനില്‍ ഓടുന്ന ട്രെയിനിന് മുന്നില്‍ ചാടി യുവാവ് ആത്മഹത്യ ചെയ്തു. മരിച്ചയാള്‍ രോഹിണി സെക്ടര്‍ -2 നിവാസിയായ ഹേമന്ത് നേഗി ആണെന്ന് തിരിച്ചറിഞ്ഞിട്ടുണ്ട്. 

എന്നാല്‍, സംഭവസ്ഥലത്ത് നിന്ന് ആത്മഹത്യാക്കുറിപ്പൊന്നും കണ്ടെത്തിയില്ല.

പോലീസ് പറയുന്നതനുസരിച്ച്, വൈകുന്നേരം 5:03 ഓടെ റെഡ് ലൈനിലെ സ്റ്റേഷന്റെ ഗേറ്റ് നമ്പര്‍ 3 ന് സമീപം ഒരു യാത്രക്കാരന്‍ ട്രെയിനിന് മുന്നില്‍ ചാടിയതായി അറിയിച്ച് പിസിആര്‍ കോള്‍ ലഭിച്ചു. 

പോലീസ് സംഘം സ്ഥലത്തെത്തി പരിക്കേറ്റയാളെ ആംബുലന്‍സില്‍ ബിഎസ്എ ആശുപത്രിയിലേക്ക് മാറ്റി. ആശുപത്രിയില്‍ വെച്ച്, യുവാവ് മരിച്ചു.

ക്രൈം സംഘവും ഫോറന്‍സിക് വിദഗ്ധരും സ്ഥലം പരിശോധിച്ച് തെളിവുകള്‍ ശേഖരിച്ചു.