തമിഴ്നാട്ടിൽ പോലീസ് ട്രാൻസ്‌ജെൻഡറിനെ മർദ്ദിച്ചു

ചെന്നൈ: തമിഴ്നാട്ടിലെ തിരുവള്ളൂരിലെ മുരുകന്‍ ക്ഷേത്രത്തിന് പുറത്ത് ജനക്കൂട്ടത്തെ നിയന്ത്രിക്കുന്നതിനിടെ ഡെപ്യൂട്ടി പോലീസ് സൂപ്രണ്ട് ട്രാന്‍സ്ജെന്‍ഡര്‍ സ്ത്രീയെ അടിച്ചതായി പരാതി.

തായ് പൂയം ആഘോഷിക്കുന്നതിനിടെയാണ് സംഭവം. ശുഭദിനത്തില്‍ ദര്‍ശനത്തിനായി വലിയ ജനക്കൂട്ടം ഒത്തുകൂടിയതിനാല്‍ തിരക്ക് നിയന്ത്രിക്കാന്‍ പോലീസിനെ വിന്യസിച്ചിരുന്നു.

സാധാരണ ഭക്തര്‍ നീണ്ട ക്യൂവില്‍ കാത്തിരിക്കുമ്പോള്‍, ക്ഷേത്രത്തിന്റെ പുറത്തേക്കുള്ള വഴിയിലൂടെ വിഐപികള്‍ക്ക് പ്രത്യേക പ്രവേശനം അനുവദിക്കുന്നുണ്ടെന്ന് അവകാശപ്പെട്ട് ഒരു കൂട്ടം ട്രാന്‍സ്ജെന്‍ഡര്‍ വ്യക്തികള്‍ വിഐപികള്‍ക്ക് മുന്‍ഗണന നല്‍കുന്നതായി ആരോപിച്ച് പ്രതിഷേധിക്കുകയായിരുന്നു.