പ്രധാനമന്ത്രി മോദി'മഹത്തായ സുഹൃത്ത്'. ഇന്ത്യയെ അമേരിക്കയുടെ 'പ്രധാന തന്ത്രപരമായ പങ്കാളി' എന്ന് വിശേഷിപ്പിച്ച് ട്രംപ്

വാഷിംഗ്ടണ്‍: ഇന്തോ-പസഫിക് മേഖലയില്‍ ഇന്ത്യ അമേരിക്കയുടെ ഒരു പ്രധാന തന്ത്രപരമായ പങ്കാളിയാണെന്ന് യുഎസ് പ്രസിഡന്റ് ഡൊണാള്‍ഡ് ട്രംപ്. മോദിയെ അദ്ദേഹത്തിന്റെ 'മഹത്തായ സുഹൃത്ത്' എന്ന് പ്രശംസിച്ചതായും ഇന്ത്യയിലെ യുഎസ് എംബസി പറഞ്ഞു. 

ലോകത്തിലെ ഏറ്റവും പുരാതനമായ നാഗരികതകളില്‍ ഒന്നായ ഇന്ത്യയെ 'അത്ഭുതകരമായ രാജ്യം' എന്നാണ് ട്രംപ് വിശേഷിപ്പിച്ചതെന്ന് ഇന്ത്യയിലെ യുഎസ് എംബസി പറഞ്ഞു.

'ലോകത്തിലെ ഏറ്റവും പഴക്കം ചെന്ന നാഗരികതകളില്‍ ഒന്നിന്റെ ആസ്ഥാനമാണ് ഇന്ത്യ. ഇത് ഒരു അത്ഭുതകരമായ രാജ്യവും ഇന്തോ-പസഫിക് മേഖലയില്‍ അമേരിക്കയ്ക്ക് ഒരു പ്രധാന തന്ത്രപരമായ പങ്കാളിയുമാണ്.

പ്രധാനമന്ത്രി മോദിയില്‍ ഞങ്ങള്‍ക്ക് ഒരു മികച്ച സുഹൃത്തുണ്ട്,' ഇന്ത്യയിലെ യുഎസ് എംബസി പറഞ്ഞു.

ഇന്ത്യ-യുഎസ് സമഗ്ര ആഗോള തന്ത്രപരമായ പങ്കാളിത്തത്തിന്റെ പുരോഗതി പ്രധാനമന്ത്രി മോദിയും യുഎസ് പ്രസിഡന്റും അവലോകനം ചെയ്ത സംഭാഷണത്തിന് ദിവസങ്ങള്‍ക്ക് ശേഷമാണ് ട്രംപിന്റെ പ്രശംസ.