'ഇന്ത്യ അപ്പാച്ചെ ഹെലികോപ്റ്ററുകള്‍ ഓര്‍ഡര്‍ ചെയ്തു, പക്ഷേ 5 വര്‍ഷമായി അവ ലഭിച്ചില്ല. പ്രധാനമന്ത്രി മോദി എന്നെ കാണാന്‍ വന്നു. എന്നോട് ചോദിച്ചു, 'സര്‍, എനിക്ക് നിങ്ങളെ ഒന്ന് കാണാന്‍ സാധിക്കുമോ?' ട്രംപ് വീണ്ടും രംഗത്ത്

ഡല്‍ഹി: ഇന്ത്യയുടെ പ്രതിരോധ വാങ്ങലുകളും വ്യാപാര പ്രശ്നങ്ങളും ചര്‍ച്ച ചെയ്യാന്‍ പ്രധാനമന്ത്രി നരേന്ദ്ര മോദി തന്നെ നേരിട്ട് സമീപിച്ചിരുന്നുവെന്നും, അപ്പാച്ചെ ഹെലികോപ്റ്ററുകളുടെ വിതരണം വളരെക്കാലമായി വൈകിയതാണെന്നും യുഎസ് പ്രസിഡന്റ് ഡൊണാള്‍ഡ് ട്രംപ്.

'ഇന്ത്യ അപ്പാച്ചെ ഹെലികോപ്റ്ററുകള്‍ ഓര്‍ഡര്‍ ചെയ്തു, പക്ഷേ 5 വര്‍ഷമായി അവ ലഭിച്ചില്ല. പ്രധാനമന്ത്രി മോദി എന്നെ കാണാന്‍ വന്നു. സര്‍, ദയവായി എനിക്ക് നിങ്ങളെ കാണാന്‍ കഴിയുമോ എന്ന് ചോദിച്ചു!' ഇന്ത്യന്‍ നേതാവുമായി ശക്തമായ ബന്ധം പങ്കിട്ടതായും 'എനിക്ക് അദ്ദേഹവുമായി വളരെ നല്ല ബന്ധമുണ്ട്' എന്നും ട്രംപ് കൂട്ടിച്ചേര്‍ത്തു.

എന്നാല്‍, താരിഫുകളുടെ കാര്യത്തില്‍ പ്രധാനമന്ത്രി മോദി തന്നോട് അതൃപ്തനാണെന്ന് ട്രംപ് അവകാശപ്പെട്ടു. ''അദ്ദേഹം എന്നോട് അത്ര സന്തുഷ്ടനല്ല, കാരണം, അവര്‍ ഇപ്പോള്‍ ധാരാളം താരിഫുകള്‍ അടയ്ക്കുന്നുണ്ട്. കാരണം അവര്‍ എണ്ണ വാങ്ങുന്നില്ല,'' ട്രംപ് പറഞ്ഞു. 

ഇന്ത്യ റഷ്യയില്‍ നിന്നുള്ള എണ്ണ വാങ്ങല്‍ ഗണ്യമായി കുറച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു, ''പക്ഷേ അവര്‍, നിങ്ങള്‍ക്കറിയാവുന്നതുപോലെ, റഷ്യയില്‍ നിന്ന് അവര്‍ അത് ഗണ്യമായി കുറച്ചിട്ടുണ്ട്.'

'താരിഫുകള്‍ കാരണം നമ്മള്‍ സമ്പന്നരാകുകയാണ്. എല്ലാവരും മനസ്സിലാക്കുമെന്ന് പ്രതീക്ഷിക്കുന്നു.' അദ്ദേഹം പറഞ്ഞു.

'താരിഫുകള്‍ കാരണം നമ്മുടെ രാജ്യത്തേക്ക് 650 ബില്യണ്‍ ഡോളറിലധികം ഒഴുകിയെത്തുമെന്നോ അല്ലെങ്കില്‍ ഉടന്‍ തന്നെ വരുമെന്നോ എനിക്ക് റിപ്പോര്‍ട്ട് ചെയ്യേണ്ടതുണ്ട്.'യുഎസ് സമ്പദ്വ്യവസ്ഥയില്‍ താരിഫുകളുടെ സ്വാധീനം എടുത്തുകാണിച്ചുകൊണ്ട് ട്രംപ് പറഞ്ഞു.