കരൂർ ദുരന്തം: ദുരന്തത്തിന് കാരണം തങ്ങളല്ലെന്ന് ടി.വി.കെ. നേതാക്കൾ; മുൻകൂർ ജാമ്യാപേക്ഷ നൽകി

കരൂര്‍: കരൂരിലെ തിക്കിലും തിരക്കിലും 41 പേര്‍ മരിച്ച സംഭവവുമായി ബന്ധപ്പെട്ട് തമിഴക വെട്രി കഴകം ജനറല്‍ സെക്രട്ടറി ബുഷി ആനന്ദും ജോയിന്റ് സെക്രട്ടറി സി.ടി.ആര്‍. നിര്‍മ്മല്‍ കുമാറും മദ്രാസ് ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കി. പാര്‍ട്ടി നേതാവ് വിജയിയുടെ പ്രചാരണത്തിനിടെയാണ് ശനിയാഴ്ച ദുരന്തമുണ്ടായത്.

തിങ്കളാഴ്ച പാര്‍ട്ടി ജില്ലാ സെക്രട്ടറി മതിയഴകനെ അറസ്റ്റ് ചെയ്യാന്‍ കാരണമായ എഫ്.ഐ.ആറിന് പിന്നാലെയാണ് ഇരുവരും ജാമ്യാപേക്ഷ നല്‍കിയത്. മറ്റൊരു ടി.വി.കെ. പ്രവര്‍ത്തകനായ മാസി പൗണ്‍രാജും ചൊവ്വാഴ്ച കസ്റ്റഡിയിലായിട്ടുണ്ട്.

അപര്യാപ്തമായ പോലീസ് വിന്യാസമാണ് സംഭവത്തിന്റെ പ്രധാന കാരണമെന്ന് ടി.വി.കെ. ആരോപിച്ചു. വിജയിയുടെ പ്രസംഗം ആരംഭിച്ച് അഞ്ച് മിനിറ്റിനുള്ളില്‍ വൈദ്യുതി ബന്ധം വിച്ഛേദിക്കപ്പെട്ടതായും ടി.വി.കെ. ഉദ്യോഗസ്ഥരുടെ മനഃപൂര്‍വമല്ലാത്ത അശ്രദ്ധയാണ് ദുരന്തത്തിന് കാരണമെന്നും ഹര്‍ജിയില്‍ പറയുന്നു.