ശിവഗംഗ: ശിവഗംഗയില്‍ പോലീസ് കസ്റ്റഡിയില്‍ യുവാവ് മരിച്ചതിനെതിരെ വിജയുടെ ടിവികെ ശക്തമായ പ്രതിഷേധം സംഘടിപ്പിച്ചു.
ഈ പ്രതിഷേധത്തിന് വേണ്ടി വിവിധ ജില്ലകളില്‍ നിന്നുള്ള പ്രവര്‍ത്തകര്‍ ചെന്നൈയിലേക്ക് എത്താന്‍ ശ്രമിച്ചിരുന്നു. എന്നാല്‍, ചെന്നൈയിലേക്ക് പോകുന്നതിനിടയില്‍ ജില്ലാ അതിര്‍ത്തികളില്‍ പൊലീസ് പ്രവര്‍ത്തകരെ തടഞ്ഞ് അറസ്റ്റു ചെയ്തു.
വിജയ് കഴിഞ്ഞ ദിവസം കസ്റ്റഡിയില്‍ മരിച്ചയാളുടെ കുടുംബങ്ങളെ സന്ദര്‍ശിക്കുകയും, നീതി ആവശ്യപ്പെട്ട് വലിയ പ്രതിഷേധം നടത്തുമെന്നും പ്രഖ്യാപിച്ചിരുന്നു.
എന്നാല്‍ പൊലീസ് ശക്തമായ സുരക്ഷാ നടപടികളോടെ പ്രവര്‍ത്തകരെ നഗരത്തിലേക്ക് പ്രവേശിപ്പിക്കാതെ തടഞ്ഞു.
ടിവികെ പ്രവര്‍ത്തകര്‍ പൊലീസിന്റെ നടപടികളെ അപമാനകരമായി കാണുകയും, ഇത് ജനങ്ങളുടെ പ്രതിഷേധ നിഷേധിക്കുന്നതായും ആരോപിക്കുകയും ചെയ്തു.
ഈ പ്രതിഷേധം തമിഴ്നാട്ടിലെ കസ്റ്റഡി മരണങ്ങളുടെ പേരില്‍ നടക്കുന്ന ആദ്യ വലിയ രാഷ്ട്രീയ പ്രക്ഷോഭമായിരിക്കുകയാണ്. ടിവികെ 'ന്യായം വേണം, മാപ്പ് വേണ്ട' എന്ന മുദ്രാവാക്യങ്ങളോടെയാണ് പ്രതിഷേധം നടത്തിയത്.
പോലീസ് നടപടികള്‍ക്കെതിരെ വിജയും പാര്‍ട്ടി പ്രവര്‍ത്തകരും ശക്തമായി വിമര്‍ശനമുയര്‍ത്തിയിട്ടുണ്ട്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/PlQR2AVrzW0j69gfSuZP.jpg)