ഇന്നത്തെ ഉപമുഖ്യമന്ത്രി തീര്‍ച്ചയായും നാളത്തെ മുഖ്യമന്ത്രി. ഉദയനിധി സ്റ്റാലിന്‍ ഒരുനാള്‍ മുഖ്യമന്ത്രിയാകുമെന്ന് തമിഴ്‌നാട് മന്ത്രി

ചെന്നൈ: ഭാവിയില്‍ തമിഴ്നാട് മുഖ്യമന്ത്രിയായി ഉപമുഖ്യമന്ത്രി ഉദയനിധി സ്റ്റാലിന്‍ എത്തുമെന്ന് തമിഴ്നാട് വിദ്യാഭ്യാസ മന്ത്രിയും ഡിഎംകെ നേതാവുമായ അന്‍ബില്‍ മഹേഷ് പൊയ്യമൊഴി.

നവംബര്‍ 27 ന് ഡിഎംകെ യുവജന വിഭാഗം പരിപാടിയില്‍ സംസാരിക്കുകയായിരുന്നു അദ്ദേഹം. ഇന്നത്തെ ഉപമുഖ്യമന്ത്രി ഒരു നാള്‍ തീര്‍ച്ചയായും മുഖ്യമന്ത്രിയാകും എന്ന് അന്‍ബില്‍ മഹേഷ് പ്രഖ്യാപിച്ചു. 

ഡിഎംകെയുടെ പ്രത്യയശാസ്ത്രത്തോടുള്ള ഉദയനിധിയുടെ അർപ്പണബോധത്തെ മന്ത്രി പ്രശംസിച്ചു

കഴിഞ്ഞ വര്‍ഷം ഉദയനിധിയുടെ പരാമര്‍ശത്തെ തുടര്‍ന്ന് പൊട്ടിപ്പുറപ്പെട്ട സനാതന ധര്‍മ്മ വിവാദത്തെക്കുറിച്ച് നേരിട്ട് പരാമര്‍ശിക്കാതെ ഉദയനിധി മാപ്പ് പറയാത്തതിനെ ഉയര്‍ത്തിക്കാട്ടി അദ്ദേഹം കലൈഞ്ജറുടെ ചെറുമകനാണെന്ന് അന്‍ബില്‍ മഹേഷ് പറഞ്ഞു.