റഷ്യ പരിശീലന ക്യാമ്പ് ആക്രമിച്ചതിന് പിന്നാലെ യുക്രൈനിലെ ഉന്നത സൈനിക കമാൻഡർ രാജിവച്ചു

ഡല്‍ഹി: രാജ്യത്തെ സൈന്യത്തിലെ ഏറ്റവും മുതിര്‍ന്ന പദവികളില്‍ ഒന്നായ ഉക്രെയ്നിന്റെ കരസേനയുടെ കമാന്‍ഡര്‍ ഞായറാഴ്ച രാജിവയ്ക്കുന്നതായി പ്രഖ്യാപിച്ചു. ഉക്രേനിയന്‍ സൈനിക പരിശീലന കേന്ദ്രത്തിന് നേരെയുണ്ടായ മാരകമായ ആക്രമണം ചൂണ്ടിക്കാട്ടിയാണ് രാജി.

സംഭവം പരിശോധിക്കാന്‍ ഒരു യോഗം വിളിച്ചതായി ഉക്രേനിയന്‍ പ്രസിഡന്റ് വോളോഡിമര്‍ സെലെന്‍സ്‌കി പറഞ്ഞു. കഴിഞ്ഞ വര്‍ഷം നവംബര്‍ മുതല്‍ മേജര്‍ ജനറല്‍ മൈഖൈലോ ദ്രപതിയാണ് ഉക്രെയ്നിന്റെ വിശാലമായ യുദ്ധകാല കരസേനയുടെ ചുമതല വഹിക്കുന്നത്.

നമ്മുടെ സൈനികരുടെ മരണത്തിന് കാരണമായ 239-ാമത് പരിശീലന ഗ്രൗണ്ടിലെ ദുരന്തത്തിന്റെ ഉത്തരവാദിത്തബോധം എന്നെ ബോധപൂര്‍വ്വം സ്വാധീനിച്ച ഒരു നടപടിയാണിത്,' ദ്രപതി ഫേസ്ബുക്കില്‍ എഴുതി.

സൈനിക പരിശീലന സ്ഥലത്ത് റഷ്യന്‍ മിസൈല്‍ ആക്രമണത്തില്‍ 12 സൈനികര്‍ കൊല്ലപ്പെടുകയും 60 പേര്‍ക്ക് പരിക്കേല്‍ക്കുകയും ചെയ്തതായി കരസേനയുടെ ടെലിഗ്രാം പേജില്‍ നിന്നുള്ള നേരത്തെയുള്ള പ്രസ്താവനയില്‍ പറഞ്ഞിരുന്നു.