വിജയ്‌യുടെ പാര്‍ട്ടിയുടെ പേരില്‍ അവകാശവാദം, താരത്തിന് ആദ്യം തന്നെ തിരിച്ചടി; തെരഞ്ഞെടുപ്പ് കമ്മീഷന് നോട്ടീസ്

തമിഴ്താരം വിജയ് രാഷ്ട്രീയ പാര്‍ട്ടി പ്രഖ്യാപിച്ചതിന് പിന്നാലെ വിവാദങ്ങളും ഉയര്‍ന്നുവരികയാണ്. തന്റെ പാര്‍ട്ടിയുടെ പേരും താരത്തിന്റെ പാര്‍ട്ടിയുടെ പേരും തമ്മിലുള്ള സാമ്യത ചൂണ്ടിക്കാട്ടി തെരഞ്ഞെടുപ്പ് കമ്മീഷന് നോട്ടീസ് നല്‍കിയിരിക്കുകയാണ് തമിഴക വാഴ്വുറിമൈ കക്ഷി എന്ന പാര്‍ട്ടിയുടെ സ്ഥാപകന്‍ ടി വേല്‍മുരുഗന്‍.

വിജയ്‌യുടെ തമിഴക വെട്രി കഴകത്തിന്റെയും തന്റെ പാര്‍ട്ടിയുടെയും ചുരുക്കപേരും ഒന്നാണ്. ഇത് ജനങ്ങള്‍ക്കിടയില്‍ ആശയക്കുഴപ്പമുണ്ടാക്കുമെന്നാണ് വേല്‍മുരുഗന്‍ ഉന്നയിക്കുന്നത്. ലോക്‌സഭാ തെരഞ്ഞെടുപ്പിന് മുന്നോടിയായി പാര്‍ട്ടിയുടെ ആദ്യ സമ്മേളനം നടക്കാനിരിക്കെയാണ് ഈ ആരോപണം ഉയര്‍ന്നത്.