'ഓപ്പറേഷൻ സിന്ദൂർ വെറുമൊരു ട്രെയിലർ മാത്രമായിരുന്നു'. ഭീകരതയ്‌ക്കെതിരെ ശക്തമായ സന്ദേശം നൽകി കരസേനാ മേധാവി ജനറൽ ഉപേന്ദ്ര ദ്വിവേദി

ഡല്‍ഹി: ഓപ്പറേഷന്‍ സിന്ദൂരിലെ 88 മണിക്കൂര്‍ ദൈര്‍ഘ്യമുള്ള ദൗത്യം 'വെറും ഒരു ട്രെയിലര്‍' മാത്രമാണെന്ന് കരസേനാ മേധാവി ജനറല്‍ ഉപേന്ദ്ര ദ്വിവേദി.

ഏതെങ്കിലും രാജ്യം ഭരണകൂടം സ്‌പോണ്‍സര്‍ ചെയ്യുന്ന ഭീകരതയെ പ്രോത്സാഹിപ്പിക്കുമ്പോള്‍, വികസനത്തിലും പുരോഗതിയിലും ശ്രദ്ധ കേന്ദ്രീകരിക്കുന്ന ഇന്ത്യയ്ക്ക് അത് ഗുരുതരമായ ആശങ്കയായി മാറുമെന്ന് അദ്ദേഹം പറഞ്ഞു. 

ഭാവിയില്‍ ഉണ്ടാകാവുന്ന ഏത് സാഹചര്യവും കൈകാര്യം ചെയ്യാന്‍ ഇന്ത്യന്‍ സൈന്യം പൂര്‍ണ്ണമായും സജ്ജമാണെന്ന് ജനറല്‍ ദ്വിവേദി പറഞ്ഞു. 'പാകിസ്ഥാന്‍ ഒരു അവസരം നല്‍കിയാല്‍, ഒരു അയല്‍രാജ്യത്തോട് ഉത്തരവാദിത്തത്തോടെ പെരുമാറാന്‍ ഞങ്ങള്‍ അതിനെ പഠിപ്പിക്കും' എന്ന് അദ്ദേഹം കൂട്ടിച്ചേര്‍ത്തു.

ആധുനിക സംഘര്‍ഷങ്ങളുടെ പരിണാമ സ്വഭാവം എടുത്തുകാണിച്ചുകൊണ്ട്, ഇന്നത്തെ കാലത്ത് യുദ്ധങ്ങള്‍ പല മേഖലകളിലായി നിലനില്‍ക്കുന്നുണ്ടെന്ന് ജനറല്‍ ദ്വിവേദി പറഞ്ഞു. 'ഇത് എത്ര കാലം നീണ്ടുനില്‍ക്കുമെന്ന് ഞങ്ങള്‍ക്ക് പറയാനാവില്ല. 

ദീര്‍ഘകാലം നിലനില്‍ക്കാനുള്ള സാധനങ്ങള്‍ ഞങ്ങളുടെ പക്കലുണ്ടെന്ന് ഉറപ്പാക്കേണ്ടതുണ്ട്,' കരസേനാ മേധാവി പറഞ്ഞു. ഇന്ത്യയ്ക്കെതിരെ സൃഷ്ടിക്കപ്പെടുന്ന ഏതൊരു തടസ്സവും ഉറച്ച പ്രതികരണം ക്ഷണിച്ചുവരുത്തുമെന്ന് അദ്ദേഹം ചൂണ്ടിക്കാട്ടി.

'ചര്‍ച്ചകളും ഭീകരതയും ഒരുമിച്ച് പോകില്ലെന്ന്' സൈന്യം വ്യക്തമാക്കിയിട്ടുണ്ടെന്നും ഇന്ത്യ സമാധാനപരമായ ഒരു പ്രക്രിയ മാത്രമേ ആവശ്യപ്പെടുന്നുള്ളൂവെന്നും അതിനെ പിന്തുണയ്ക്കാന്‍ തയ്യാറാണെന്നും അദ്ദേഹം പറഞ്ഞു.