കരൂർ ദുരന്തം: ഈ വർഷം ദീപാവലി ആഘോഷിക്കരുതെന്ന് വിജയ്

ചെന്നൈ: കരൂരില്‍ തിക്കിലും തിരക്കിലും മരിച്ച 41 പേരുടെ സ്മരണയ്ക്കായി ഈ വര്‍ഷം ദീപാവലി ആഘോഷിക്കുന്നതില്‍ നിന്ന് വിട്ടുനില്‍ക്കണമെന്ന് നടനും ടിവികെ മേധാവിയുമായ വിജയ്.

ഈ വര്‍ഷം ദീപാവലി ആഘോഷിക്കുന്നതില്‍ നിന്ന് വിട്ടുനില്‍ക്കണമെന്ന് വിജയും പാര്‍ട്ടി ജനറല്‍ സെക്രട്ടറി എന്‍ ആനന്ദും എല്ലാ കേഡര്‍മാരോടും ജില്ലാ സെക്രട്ടറിമാരോടും നിര്‍ദ്ദേശിച്ചു.

സെപ്റ്റംബര്‍ 27 ന് ഏകദേശം 30,000 അനുയായികള്‍ പങ്കെടുത്ത ഒരു റാലിയിലുണ്ടായ തിക്കിലും തിരക്കിലും നിരവധി സ്ത്രീകളുടെയും കുട്ടികളുടെയും ജീവന്‍ നഷ്ടപ്പെട്ടിരുന്നു. ഈ ദുരന്തത്തെ തുടര്‍ന്നാണ് നേതൃത്വത്തിന്റെ നിര്‍ദ്ദേശം.