വിജയ് മുഖ്യമന്ത്രി സ്ഥാനാർത്ഥി; ടിവികെ പ്രഖ്യാപനത്തിന് പിന്നാലെ സഖ്യകക്ഷികളെ തേടുന്നു

ചെന്നൈ: നടന്‍ വിജയിയെ മുഖ്യമന്ത്രി സ്ഥാനാര്‍ത്ഥിയായി ഔദ്യോഗികമായി പ്രഖ്യാപിച്ച് ടിവികെ. വരാനിരിക്കുന്ന തിരഞ്ഞെടുപ്പുകള്‍ക്ക് മുന്നോടിയായി സഖ്യ തീരുമാനങ്ങളില്‍ അദ്ദേഹത്തിന് പൂര്‍ണ്ണ അധികാരം നല്‍കുകയും ചെയ്യുന്ന നാല് പ്രധാന പ്രമേയങ്ങള്‍ തമിഴക വെട്രി കഴകം പാസാക്കി.

പ്രമേയങ്ങള്‍ അനുസരിച്ച്, തിരഞ്ഞെടുപ്പ് സഖ്യ ചര്‍ച്ചകള്‍ക്കായി ടിവികെ ഒരു പ്രത്യേക സമിതി രൂപീകരിക്കും.

എന്നാല്‍ സഖ്യവുമായി ബന്ധപ്പെട്ട എല്ലാ കാര്യങ്ങളിലും അന്തിമ തീരുമാനം വിജയ്യുടേതായിരിക്കും.