നടന്‍ വിജയ്ക്ക് 'വൈ' സുരക്ഷ. ഇന്റലിജന്‍സ് ബ്യൂറോയുടെ ആഭ്യന്തര സുരക്ഷാ ഓഡിറ്റിന് ശേഷമാണ് സുരക്ഷ നല്‍കിയതെന്ന് ആഭ്യന്തര മന്ത്രാലയം. ഡിഎംകെ എന്തുകൊണ്ട് ഇത് ചെയ്തില്ലെന്ന് ബിജെപി

ചെന്നൈ: തമിഴക വെട്രി കഴകം (ടിവികെ) മേധാവിയും നടനുമായ വിജയ്ക്ക് ആഭ്യന്തര മന്ത്രാലയം തമിഴ്നാട്ടില്‍ 'വൈ' കാറ്റഗറി സുരക്ഷ അനുവദിച്ചു.

ഇന്റലിജന്‍സ് ബ്യൂറോയുടെ ആഭ്യന്തര സുരക്ഷാ ഓഡിറ്റിന് ശേഷമാണ് സുരക്ഷ നല്‍കിയതെന്ന് ആഭ്യന്തര മന്ത്രാലയം അറിയിച്ചു.

ഫെബ്രുവരി 13 ന് കേന്ദ്ര ആഭ്യന്തര മന്ത്രാലയം പുറപ്പെടുവിച്ച വിജ്ഞാപനത്തില്‍, 'വൈ' സുരക്ഷാ കവറേജ് അനുസരിച്ച് എട്ട് മുതല്‍ 11 വരെ സിആര്‍പിഎഫ് ഉദ്യോഗസ്ഥരും ഒന്നോ രണ്ടോ കമാന്‍ഡോകളും 24 മണിക്കൂറും വിജയ്‌ക്കൊപ്പം ഉണ്ടായിരിക്കും

വിജയ് പൊതുപരിപാടികളില്‍ പങ്കെടുക്കുമ്പോഴെല്ലാം ജനക്കൂട്ടത്തെ നിയന്ത്രിക്കുമ്പോള്‍ 'വൈ' സുരക്ഷ ബാധകമാകും. 

അതേസമയം ഭരണകക്ഷിയായ ഡിഎംകെ സര്‍ക്കാരിന് വിജയിക്ക് സുരക്ഷ നല്‍കാന്‍ കഴിഞ്ഞില്ലെന്ന് തമിഴ്‌നാട് ബിജെപി അധ്യക്ഷന്‍ കെ അണ്ണാമലൈ ആരോപിച്ചു.

എഐഎഡിഎംകെ ബിജെപിയുമായി സഖ്യത്തിലാണോ അല്ലയോ എന്നത് പരിഗണിക്കാതെ, പ്രതിപക്ഷ നേതാവ് ഇപിഎസിന് കേന്ദ്ര സര്‍ക്കാര്‍ സിആര്‍പിഎഫ് സുരക്ഷ നല്‍കിയിട്ടുണ്ടെന്നും അണ്ണാമലൈ പറഞ്ഞു.