വിജയ് കോൺഗ്രസിന് പുതിയ ആളല്ല. പാർട്ടിയിൽ ചേരാനുള്ള സാധ്യതയെക്കുറിച്ച് ചർച്ച ചെയ്യാൻ 2010 ൽ രാഹുൽ ഗാന്ധിയെ കണ്ടിരുന്നു. എന്നാൽ ആ സമയത്ത് അത് യാഥാർത്ഥ്യമായില്ല. വിജയ്‌യുടെ ടിവികെയുമായുള്ള ചർച്ച നിഷേധിച്ച് കോൺഗ്രസ്

ചെന്നൈ: നടനും രാഷ്ട്രീയക്കാരനുമായ വിജയ് കോണ്‍ഗ്രസിന് പുതിയ ആളല്ലെന്നും പാര്‍ട്ടിയില്‍ ചേരാനുള്ള സാധ്യതയെക്കുറിച്ച് ചര്‍ച്ച ചെയ്യാന്‍ 2010 ല്‍ രാഹുല്‍ ഗാന്ധിയെ കണ്ടിരുന്നു.

എന്നാല്‍ ആ സമയത്ത് അത് യാഥാര്‍ത്ഥ്യമായില്ലെന്നും തമിഴ്നാട് കോണ്‍ഗ്രസ് എംപി ജ്യോതിമണി പറഞ്ഞു.

കരൂര്‍ ദുരന്തത്തിന് ശേഷം വിജയ്യും മുതിര്‍ന്ന കോണ്‍ഗ്രസ് നേതാക്കളും തമ്മില്‍ അടുത്തിടെ നടന്ന ആശയവിനിമയത്തെത്തുടര്‍ന്ന് കോണ്‍ഗ്രസ്-ടിവികെ ബന്ധത്തെക്കുറിച്ചുള്ള ഊഹാപോഹങ്ങള്‍ക്കിടെയാണ് പരാമര്‍ശം.

ദുഃഖ നിമിഷങ്ങളില്‍ ഇത്തരം സംഭാഷണങ്ങള്‍ സാധാരണമാണെന്നും 'ഒരു തിരഞ്ഞെടുപ്പ് സഖ്യത്തിനുള്ള അടിത്തറയായി ഇതിനെ കണക്കാക്കാനാവില്ല' എന്നും ജ്യോതിമണി പറഞ്ഞു.