'തമിഴ്നാട്ടിൽ അമ്മ ജയലളിതയുടെ ഭരണം ഞാൻ തിരികെ കൊണ്ടുവരും...' രാഷ്ട്രീയത്തിലേക്കുള്ള തിരിച്ചുവരവ് പ്രഖ്യാപിച്ച് ശശികല

ഡല്‍ഹി: തമിഴ്നാട് രാഷ്ട്രീയത്തില്‍ കോളിളക്കം സൃഷ്ടിച്ചുകൊണ്ട് മുന്‍ എഐഎഡിഎംകെ നേതാവ് വികെ ശശികല തിരിച്ചുവരവ് സൂചിപ്പിച്ചു.

പാര്‍ട്ടിയെ പുനരുജ്ജീവിപ്പിക്കുമെന്നും മുന്‍ മുഖ്യമന്ത്രി ജയലളിതയുടെ ഭരണ മാതൃക പുനഃസ്ഥാപിക്കുമെന്നും ശശികല പറഞ്ഞു. തനിക്ക് അനുഭവപരിചയവും ധാരണയും ഉണ്ടെന്നും അതുവഴി ഈ ലക്ഷ്യം കൈവരിക്കാനാകുമെന്നും ശശികല അവകാശപ്പെടുന്നു.

പാര്‍ട്ടിയുടെ നിലവിലെ അവസ്ഥയെക്കുറിച്ച് സംസാരിച്ച ശശികല, സ്ഥിതി ഇപ്പോഴും അങ്ങനെ തന്നെയാണെന്നും അത് മാറ്റുക എന്നതാണ് തന്റെ ജോലിയെന്നും പറഞ്ഞു. അനുഭവ പരിചയമുള്ള ഒരാള്‍ക്ക് മാത്രമേ സൃഷ്ടിക്കപ്പെട്ട പ്രശ്‌നങ്ങള്‍ ഇല്ലാതാക്കാന്‍ കഴിയൂ. 

രാഷ്ട്രീയത്തില്‍ വന്നാല്‍ എല്ലാം ചെയ്യാമെന്ന് പലരും കരുതുന്നു, പക്ഷേ രാഷ്ട്രീയം വ്യത്യസ്തമാണ്. ശരിയായി പ്രവര്‍ത്തിക്കാന്‍ കഴിയുന്നവര്‍ക്ക് മാത്രമേ വിജയിക്കാന്‍ കഴിയൂ.

അമ്മയുടെ ഭരണം ഞാന്‍ തീര്‍ച്ചയായും തിരികെ കൊണ്ടുവരും. ആത്മവിശ്വാസം ഇല്ലായിരുന്നുവെങ്കില്‍ ഞാന്‍ അത് പറയില്ലായിരുന്നു. എത്ര ബുദ്ധിമുട്ടുകള്‍ വന്നാലും നമ്മള്‍ അത് നേടിയെടുക്കും.

ഞാന്‍ അത് ചെയ്യുമെന്ന് തന്നെയാണ് പറയുന്നതെന്നും ശശികല ആവര്‍ത്തിച്ചു. സജീവ രാഷ്ട്രീയത്തിലേക്കുള്ള അവരുടെ തിരിച്ചുവരവിന്റെയും പാര്‍ട്ടിയെ ശക്തിപ്പെടുത്തുന്നതിന്റെയും നേരിട്ടുള്ള സൂചനയാണിത്.