മധ്യപ്രദേശിൽ വോളിബോൾ താരത്തെയും ജൈന സന്യാസിനീയെയും പരസ്യമായി പീഡിപ്പിച്ച രണ്ട് യുവാക്കൾ അറസ്റ്റിൽ

ഭോപ്പാല്‍: മധ്യപ്രദേശില്‍ നടന്ന രണ്ട് വ്യത്യസ്ത പീഡന സംഭവങ്ങളില്‍ ഒരു വോളിബോള്‍ കളിക്കാരിയും ഒരു ജൈന സന്യാസിനീയും ഇരയായി. ഈ സംഭവങ്ങളില്‍ മുഹമ്മദ് ആസിഫ്, മുഹമ്മദ് താജ് എന്നീ രണ്ട് പ്രതികളെ പോലീസ് അറസ്റ്റ് ചെയ്തു.

ഉജ്ജയിനില്‍ സാധ്വിയെ പീഡിപ്പിച്ചതില്‍ ജൈന സമൂഹത്തില്‍ വലിയ രോഷമുണ്ട്. പ്രതിയായ താജ് മുഹമ്മദ് പരസ്യമായാണ് കുറ്റകൃത്യം നടത്തിയത്.

പിന്നീട്, സിസിടിവി ദൃശ്യങ്ങളുടെ അടിസ്ഥാനത്തില്‍ പോലീസ് താജിനെ അറസ്റ്റ് ചെയ്തു. ഈ സംഭവത്തിനെതിരെ ജൈന സമൂഹം പോലീസ് സ്റ്റേഷനില്‍ പരാതി നല്‍കി.

അതേസമയം, നര്‍മ്മദാപുരത്ത്, 15 വയസ്സുള്ള ഒരു സംസ്ഥാന തല വോളിബോള്‍ കളിക്കാരി തന്റെ സുഹൃത്തിനൊപ്പം വീട്ടിലേക്ക് മടങ്ങുമ്പോള്‍, പ്രതി മുഹമ്മദ് ആസിഫ് ലൈംഗികമായി പീഡിപ്പിച്ചു.

വിദ്യാര്‍ത്ഥിനിയും സുഹൃത്തും ആസിഫിനെ പിടികൂടി മര്‍ദ്ദിച്ചു. തുടര്‍ന്ന് നാട്ടുകാര്‍ ഇയാളെ പോലീസില്‍ ഏല്‍പ്പിച്ചു. 50 രൂപ നല്‍കി ആസിഫ് തന്നെ ബലമായി പിടിച്ചുകൊണ്ടുപോകാന്‍ ശ്രമിച്ചതായി താരം പറഞ്ഞു.