നടിമാരായ സാമന്ത റൂത്ത് പ്രഭു, തമന്ന ഭാട്ടിയ, രാകുല്‍ പ്രീത് സിംഗ് എന്നിവരുടെ പേരും ചിത്രങ്ങളും ഉള്‍പ്പെട്ട വ്യാജ വോട്ടർ പട്ടിക പ്രചരിക്കുന്നു; ഹൈദരാബാദിൽ പോലീസ് കേസെടുത്തു

ഡല്‍ഹി: തെന്നിന്ത്യന്‍ നടിമാരായ സാമന്ത റൂത്ത് പ്രഭു, തമന്ന ഭാട്ടിയ, രാകുല്‍ പ്രീത് സിംഗ് എന്നിവരുടെ പേരും ചിത്രങ്ങളും ഉള്‍പ്പെട്ട വ്യാജ വോട്ടര്‍ പട്ടിക സോഷ്യല്‍ മീഡിയയില്‍ പ്രചരിച്ചതിനെ തുടര്‍ന്ന് പോലീസ് വ്യാഴാഴ്ച കേസ് രജിസ്റ്റര്‍ ചെയ്തു.

വൈറല്‍ എന്‍ട്രികള്‍ കൃത്രിമമായി ഉണ്ടാക്കിയ ചിത്രങ്ങളും വ്യാജ വോട്ടര്‍ ഐഡി വിശദാംശങ്ങളും ഉപയോഗിച്ചാണ് നിര്‍മ്മിച്ചതെന്ന് തിരഞ്ഞെടുപ്പ് ഉദ്യോഗസ്ഥര്‍ സ്ഥിരീകരിച്ചതിന് പിന്നാലെ മധുര നഗര്‍ പോലീസ് വ്യാഴാഴ്ച കേസ് രജിസ്റ്റര്‍ ചെയ്തു.

അസിസ്റ്റന്റ് ഇലക്ടറല്‍ രജിസ്ട്രേഷന്‍ ഓഫീസര്‍ സയ്യിദ് യഹിയ കമല്‍ നല്‍കിയ പരാതി പ്രകാരം, നടിമാമാര്‍ ഹൈദരാബാദിലെ ഒരേ വിലാസത്തില്‍ രജിസ്റ്റര്‍ ചെയ്ത വോട്ടര്‍മാരാണെന്ന് മാറ്റങ്ങള്‍ വരുത്തിയ ഇലക്ടേഴ്സ് ഫോട്ടോ ഐഡന്റിറ്റി കാര്‍ഡ് നമ്പറുകള്‍ ഉപയോഗിച്ച് പോസ്റ്റുകള്‍ അവകാശപ്പെടുന്നു. 

പൊതുജനങ്ങളെ തെറ്റിദ്ധരിപ്പിക്കാനും ഔദ്യോഗിക തിരഞ്ഞെടുപ്പ് വിവരങ്ങള്‍ ദുരുപയോഗം ചെയ്യാനുമുള്ള ബോധപൂര്‍വമായ ശ്രമത്തിന്റെ ഭാഗമാണ് ഈ തെറ്റായ വിവരങ്ങളെന്ന് അധികൃതര്‍ പറഞ്ഞു.