സ്ത്രീധനത്തിൻ്റെ പേരിൽ ഭര്‍തൃവീട്ടുകാര്‍ കൊന്നുവെന്ന് പരാതി;' 'മരിച്ച' സ്ത്രീയെ ജീവനോടെ കണ്ടെത്തി

ഡല്‍ഹി:  ഉത്തര്‍പ്രദേശില്‍ സ്ത്രീധന മരണ കേസില്‍ 'മരിച്ച' സ്ത്രീയെ ജീവനോടെ കണ്ടെത്തി. സ്ത്രീധനത്തിന്റെ പേരില്‍ ഭര്‍തൃവീട്ടുകാര്‍ കൊലപ്പെടുത്തിയതായി ആരോപിക്കപ്പെടുന്ന സ്ത്രീ മധ്യപ്രദേശിലെ ഗ്വാളിയോറില്‍ കാമുകനൊപ്പം താമസിക്കുന്നുണ്ടെന്ന് അന്വേഷണത്തില്‍ കണ്ടെത്തി. 

പരാതിക്കാര്‍ക്കെതിരെ നടപടിയെടുക്കാന്‍ ഒരുക്കങ്ങള്‍ ആരംഭിച്ചു. ഗാസിപൂരിലെ ബര്‍ഹപര്‍ ഭോജുറായ് ഗ്രാമത്തില്‍ നിന്നാണ് കേസ്. 

ഒക്ടോബര്‍ 3 ന്, ഗ്രാമവാസിയായ രാജ്വന്തി ദേവി, തന്റെ മകള്‍ രുചി യാദവിനെ സ്ത്രീധനത്തിനായി ഭര്‍തൃവീട്ടുകാര്‍ കൊലപ്പെടുത്തിയെന്ന് ആരോപിച്ച് പരാതി നല്‍കി. കൊലപാതകത്തിന് ശേഷം മൃതദേഹം സംസ്‌കരിച്ചതായും പരാതിയില്‍ ആരോപിക്കുന്നു.