ഇന്ത്യയിൽ ആറുവർഷത്തിനിടെ സ്ത്രീകളുടെ തൊഴിൽ പങ്കാളിത്തം ഇരട്ടിയായി. തൊഴിൽ നിരക്ക് 22 ശതമാനത്തിൽ നിന്നും 40.3% ആയി ഉയർന്നു. ഗ്രാമങ്ങളിൽ മുന്നേറ്റം, നഗരങ്ങളിലും വളർച്ച

ന്യൂഡൽഹി: ഇന്ത്യയിൽ വനിതകളുടെ തൊഴിൽ പങ്കാളിത്തത്തിൽ വലിയ വളർച്ച. 2017–18ൽ 22 ശതമാനം മാത്രമായിരുന്ന സ്ത്രീകളുടെ തൊഴിൽ പങ്കാളിത്തം 2023–24ൽ 40.3 ശതമാനമായി ഉയർന്നു.

ദേശീയ സ്ഥിതിവിവര കണക്കുകൾ പ്രകാരം കഴിഞ്ഞ ആറു വർഷത്തിനിടെ തൊഴിലില്ലായ്മയും കുറവാണ്. 2017–18ലെ 5.6 ശതമാനമായിരുന്ന തൊഴിലില്ലായ്മ നിരക്ക് 2023–24ൽ 3.2 ശതമാനമായി കുറഞ്ഞു.

ഗ്രാമപ്രദേശങ്ങളിലാണ് സ്ത്രീകളുടെ തൊഴിൽ ഏറ്റവുമധികം വർദ്ധിച്ചത്. ഗ്രാമങ്ങളിൽ 96 ശതമാനം വളർച്ചയുണ്ടായപ്പോൾ നഗരപ്രദേശങ്ങളിൽ ഇത് 43 ശതമാനമായിരുന്നു.

വിദ്യാഭ്യാസമുള്ള സ്ത്രീകൾക്കും തൊഴിൽ രംഗത്ത് വളർച്ച രേഖപ്പെടുത്തി. 2017–18ൽ 34.5 ശതമാനം മാത്രമായിരുന്ന പോസ്റ്റ്‌ഗ്രാജുവേറ്റ് വനിതകളുടെ തൊഴിൽ പങ്കാളിത്തം 2023–24ൽ 40 ശതമാനമായി.

2017–18ൽ 51.9 ശതമാനമായിരുന്ന സ്വയം തൊഴിൽ 2023–24ൽ 67.4 ശതമാനമായി ഉയർന്നു. അതേസമയം, സ്ഥിരം ശമ്പള ജോലി 15.9 ശതമാനത്തിലും മാത്രമാണ്.

കഴിഞ്ഞ ഏഴ് വർഷത്തിനിടെ EPFO വഴിയായി 1.56 കോടി സ്ത്രീകൾ സ്ഥിര തൊഴിൽ മേഖലയിൽ പ്രവേശിച്ചു. ഇ-ശ്രം പോർട്ടലിൽ 16.69 കോടി വനിതകൾ രജിസ്റ്റർ ചെയ്തിട്ടുണ്ട്.

വിദഗ്ധരുടെ വിലയിരുത്തൽ പ്രകാരം വളർച്ച മികച്ചതായിരുന്നാലും, ഗുണമേന്മയുള്ള ജോലി സൃഷ്ടിക്കുന്നതിൽ ഇന്ത്യക്ക് ഇപ്പോഴും ദൂരം പോകാനുണ്ട്. മറ്റു ജി20 രാജ്യങ്ങളിലേതിന് സമാനമായ സ്ത്രീ തൊഴിൽ പങ്കാളിത്ത നിരക്ക് ഇന്ത്യയിൽ എത്താൻ നിരവധി വർഷങ്ങൾ വേണ്ടിവരും.