'അവര്‍ കുംഭത്തെ 'മൃത്യു കുംഭം' എന്ന് വിളിച്ചു, ഭക്തര്‍ അത് 'മൃത്യുഞ്ജയ് മഹാ കുംഭം' എന്ന മറുപടി നല്‍കി. 'മൃത്യു കുംഭം' എന്ന് മുദ്രകുത്തിയവർക്ക് ഉചിതമായ മറുപടിയാണ് മഹാ കുംഭമേളയിലെ ഭക്തരുടെ വൻ ജനപങ്കാളിത്തം നൽകിയതെന്ന് യോഗി ആദിത്യനാഥ്

ഡല്‍ഹി: 'മൃത്യു കുംഭം' എന്ന് മുദ്രകുത്തിയവര്‍ക്ക് ഉചിതമായ മറുപടിയാണ് മഹാ കുംഭമേളയിലെ ഭക്തരുടെ വന്‍ ജനപങ്കാളിത്തം നല്‍കിയതെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. 

'അവര്‍ കുംഭത്തെ 'മൃത്യു കുംഭം' എന്ന് വിളിച്ചു, അതിനാല്‍ ഭക്തര്‍ അത് 'മൃത്യുഞ്ജയ് മഹാ കുംഭം' എന്ന മറുപടി നല്‍കി,' അദ്ദേഹം പറഞ്ഞു.

ജനുവരി 13 മുതല്‍ ഫെബ്രുവരി 26 വരെ പ്രയാഗ്രാജില്‍ നടന്ന മഹാ കുംഭമേളയില്‍ 66-ലധികം ഭക്തര്‍ പ്രയാഗ്രാജിലെ സംഗമത്തില്‍ ആചാരപരമായ കുളി നടത്തി.

പൊതുജനങ്ങളില്‍ നിന്നുള്ള ചോദ്യങ്ങളുടെ അടിസ്ഥാനത്തില്‍ കുംഭമേളയ്ക്ക് മുമ്പ്, 40-45 കോടി ഭക്തര്‍ സന്ദര്‍ശിക്കുമെന്ന് ഞാന്‍ പറഞ്ഞിരുന്നു.

നമ്മുടെ സുഹൃത്തുക്കള്‍ നിഷേധാത്മകത പ്രചരിപ്പിക്കാന്‍ തുടങ്ങിയപ്പോള്‍, പൊതുജനങ്ങള്‍ അവരെ ഒരു പാഠം പഠിപ്പിക്കുമെന്ന് എനിക്ക് ഉറപ്പായിരുന്നു. 

അതാണ് സംഭവിച്ചത്. മഹാ കുംഭമേളയില്‍ പങ്കെടുക്കുന്നവരുടെ എണ്ണത്തെക്കുറിച്ചുള്ള ആദ്യ സംശയം ഓര്‍മ്മിപ്പിച്ചുകൊണ്ട് യോഗി ആദിത്യനാഥ് പറഞ്ഞു.