ഡോൺ ന്യൂസ്, സമ ടിവി, ജിയോ ന്യൂസ് എന്നിവയുൾപ്പെടെ 16 പാകിസ്ഥാൻ യൂട്യൂബ് ചാനലുകൾ ഇന്ത്യ നിരോധിച്ചു. ഇന്ത്യയ്ക്കും സൈന്യത്തിനും സുരക്ഷാ ഏജന്‍സികള്‍ക്കുമെതിരെ തെറ്റിദ്ധരിപ്പിക്കുന്ന പ്രസ്താവനകളും തെറ്റായ വിവരങ്ങളും പ്രചരിക്കുന്നത് തടയുക ലക്ഷ്യം

ഡല്‍ഹി: പഹല്‍ഗാം ആക്രമണത്തിന് ശേഷം ഇന്ത്യന്‍ സര്‍ക്കാര്‍ പാകിസ്ഥാനെതിരെ തുടര്‍ച്ചയായി കര്‍ശന നടപടികള്‍ സ്വീകരിച്ചുവരികയാണ്. ഇപ്പോള്‍ കേന്ദ്രം പാകിസ്ഥാനിലെ നിരവധി വലിയ യൂട്യൂബ് ചാനലുകള്‍ക്ക് ഇന്ത്യയില്‍ നിരോധനം ഏര്‍പ്പെടുത്തി. 

ഇന്ത്യയ്ക്കും സായുധ സേനയ്ക്കും സുരക്ഷാ ഏജന്‍സികള്‍ക്കുമെതിരെ പ്രകോപനപരവും തെറ്റായതും തെറ്റിദ്ധരിപ്പിക്കുന്നതുമായ പ്രസ്താവനകളും തെറ്റായ വിവരങ്ങളും പ്രചരിക്കുന്നത് തടയുന്നതിനായി ആഭ്യന്തര മന്ത്രാലയത്തിന്റെ ശുപാര്‍ശകളുടെ അടിസ്ഥാനത്തിലാണ് സര്‍ക്കാര്‍ ഈ തീരുമാനം എടുത്തത്. 

ഡോണ്‍ ന്യൂസ്, സമ ടിവി, ജിയോ ന്യൂസ് എന്നിവയുള്‍പ്പെടെ 16 പാകിസ്ഥാന്‍ യൂട്യൂബ് ചാനലുകള്‍ നിരോധിച്ചു

പഹല്‍ഗാം ആക്രമണത്തിനുശേഷം ഇന്ത്യ പാകിസ്ഥാനെതിരെ അതിവേഗ തീരുമാനങ്ങള്‍ എടുക്കുകയാണ്. നേരത്തെ, പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന മന്ത്രിസഭാ സുരക്ഷാ സമിതി (സിസിഎസ്) യോഗത്തില്‍, സിന്ധു നദീജല കരാര്‍ നിര്‍ത്താന്‍ ഇന്ത്യ തീരുമാനിച്ചിരുന്നു.

സിന്ധു നദീജല കരാര്‍ തല്‍ക്കാലം നിര്‍ത്തിവയ്ക്കാന്‍ ഇന്ത്യ തീരുമാനിച്ചതായി വിദേശകാര്യ സെക്രട്ടറി വിക്രം മിശ്ര പറഞ്ഞു. ഇന്ത്യ-പാകിസ്ഥാന്‍ ബന്ധത്തില്‍ വര്‍ദ്ധിച്ചുവരുന്ന പിരിമുറുക്കം കണക്കിലെടുത്താണ് ഈ നടപടി സ്വീകരിച്ചിരിക്കുന്നത്.