പ്രശസ്ത ഗായകന്‍ സുബീന്‍ ഗാര്‍ഗിന്റെ മൃതദേഹം ഗുവാഹത്തി വിമാനത്താവളത്തില്‍ എത്തിച്ചു. തടിച്ചുകൂടി ആയിരക്കണക്കിന് ആരാധകര്‍

ഡല്‍ഹി: പ്രശസ്ത ഗായകന്‍ സുബീന്‍ ഗാര്‍ഗിന്റെ മൃതദേഹം ഞായറാഴ്ച രാവിലെ അസമിലെ ഗുവാഹത്തി വിമാനത്താവളത്തില്‍ എത്തിച്ചേര്‍ന്നു. മൃതദേഹം എത്തിച്ചയുടനെ ആയിരക്കണക്കിന് ആരാധകര്‍ തടിച്ചുകൂടി.

സുബീന്‍ ഗാര്‍ഗിന്റെ ഭാര്യ ഗരിമ സൈകിയ ഗാര്‍ഗും മുതിര്‍ന്ന സംസ്ഥാന സര്‍ക്കാര്‍ ഉദ്യോഗസ്ഥരും മൃതദേഹം സ്വീകരിക്കാന്‍ വിമാനത്താവളത്തില്‍ ഉണ്ടായിരുന്നു. 

സുബീന്‍ ഗാര്‍ഗ് പലപ്പോഴും പരിപാടികളില്‍ പങ്കെടുത്തിരുന്ന അദ്ദേഹത്തിന്റെ പ്രിയപ്പെട്ട കാറും വാഹനവ്യൂഹത്തില്‍ ഉള്‍പ്പെട്ടിരുന്നു. കനത്ത പോലീസ് സംരക്ഷണയിലാണ് ഗായകന്റെ മൃതദേഹം വിമാനത്താവളത്തില്‍ നിന്ന് വീട്ടിലേക്ക് കൊണ്ടുവന്നത്.