അഗ്നിയോട് പൊരുതാൻ.... ലോസ് ഏഞ്ചൽസ് മേഖലയിൽ പടർന്ന കാട്ടുതീ അണയ്ക്കാൻ 24 മണിക്കൂറും 4000 അഗ്നിശമന സേനാംഗങ്ങൾ- ഫോട്ടൊസ്റ്റോറി

ലോസ് ആഞ്ചലസ്: ലോസ് ആഞ്ചലസ് കൗണ്ടിയിൽ ജനുവരി ആദ്യം മുതൽ അ‍ഞ്ച് കാട്ടുതീയാണ് റിപ്പോർട്ട് ചെയ്തത്. ഇതുവരെ 28 പേർ കാട്ടുതീയിൽപ്പെട്ട് മരിച്ചതായി സ്ഥിരീകരിച്ചിട്ടുണ്ട്. 50,000 ഏക്കറിലധികം പ്രദേശം അഗ്നിക്കിരയാകുകയും 15,000-ലധികം കെട്ടിടങ്ങൾ നശിക്കുകയും ചെയ്തു. 

ലോസ് ആഞ്ചലസിന് വടക്കുകിഴക്കായി അൽതഡേന നഗരത്തിലും ചുറ്റുപാടുമുള്ള താഴ്‌വരകളിൽ തീപിടുത്തത്തിൽ 14,021 ഏക്കർ കത്തി നശിച്ചതായാണ് റിപ്പോർട്ട്. 

ന​ഗരത്തിൻ്റെ പടിഞ്ഞാറുള്ള പാലിസേഡ്സ് ഭാഗത്ത് 23,448 ഏക്കറും കത്തിനശിച്ചു. ലോസ് ആഞ്ചലസിൽ നിന്ന് 195 കിലോമീറ്റർ തെക്കുകിഴക്കായി സാൻ ഡിയാഗോ നഗരത്തിൽ ഈ ആഴ്ച രണ്ട് തീപിടുത്തങ്ങളിലായി 123 ഏക്കർ കത്തിനശിച്ചു.

 തീപിടുത്തങ്ങൾ ഇപ്പോഴും സജീവമാണ്. പാലിസേഡ്സ് ഭാ​ഗത്തെ തീ 70 ശതമാനവും അൽതഡേന ഭാ​ഗത്തെ തീ 95 ശതമാനവും നിയന്ത്രണ വിധേയമാക്കി.

ലോസ് ഏഞ്ചൽസ് മേഖലയിൽ പടർന്ന കാട്ടുതീ അണയ്ക്കാൻ ഏകദേശം 4000 അഗ്നിശമന സേനാംഗങ്ങൾ 24 മണിക്കൂറും കർമ്മനിരതരാണ്. അതുമായി ബന്ധപ്പെട്ട  കൂടുതൽ  ചിത്രങ്ങൾ.