അഫ്ഗാനിസ്ഥാനിൽ പാകിസ്ഥാൻ നടത്തിയ വ്യോമാക്രമണത്തിൽ ഒമ്പത് കുട്ടികൾ ഉൾപ്പെടെ 10 പേർ കൊല്ലപ്പെട്ടതായി താലിബാൻ സർക്കാർ

കാബൂള്‍: അഫ്ഗാനിസ്ഥാനില്‍ രാത്രിയില്‍ പാകിസ്ഥാന്‍ നടത്തിയ ആക്രമണങ്ങളില്‍ കുറഞ്ഞത് ഒമ്പത് കുട്ടികളും ഒരു സ്ത്രീയും കൊല്ലപ്പെട്ടതായി അഫ്ഗാന്‍ താലിബാന്‍ വക്താവ് സബിഹുള്ള മുജാഹിദ് പറഞ്ഞു.

ഖോസ്റ്റിലെ ഗുര്‍ബുസ് ജില്ലയിലെ മുഗള്‍ഗായ് പ്രദേശത്തുള്ള വീടിന് നേരെ പാകിസ്ഥാന്‍ സൈന്യം ബോംബെറിഞ്ഞതായി മുജാഹിദ് പറഞ്ഞു. 

'ഇന്നലെ രാത്രി ഏകദേശം 12 മണിയോടെ, ഖോസ്റ്റ് പ്രവിശ്യയിലെ ഗോര്‍ബുസ് ജില്ലയില്‍ മുഗള്‍ഗായ് പ്രദേശത്തെ പാകിസ്ഥാന്‍ അധിനിവേശ സൈന്യം ഖാസി മിറിന്റെ മകന്‍ വാലിയത്ത് ഖാന്റെ വീടിന് നേരെ ബോംബെറിഞ്ഞു.

തല്‍ഫലമായി, ഒമ്പത് കുട്ടികളും (അഞ്ച് ആണ്‍കുട്ടികളും നാല് പെണ്‍കുട്ടികളും) ഒരു സ്ത്രീയും രക്തസാക്ഷികളായി, അദ്ദേഹത്തിന്റെ വീട് നശിപ്പിക്കപ്പെട്ടു,' എന്ന് വക്താവ് പറഞ്ഞു.

കുനാര്‍, പക്തിക പ്രവിശ്യകളിലും പാകിസ്ഥാന്‍ ആക്രമണം നടത്തിയതായും നാല് സാധാരണക്കാര്‍ക്ക് പരിക്കേറ്റതായും മുജാഹിദ് പറഞ്ഞു.