തീവയ്പ്പ്, ഭീകര ഭീഷണി എന്നീ കുറ്റങ്ങൾ ചുമത്തി ഇന്ത്യൻ വംശജനായ വിദ്യാർത്ഥി യുഎസിൽ അറസ്റ്റിൽ

ടെക്‌സസ്:  തീവയ്പ്പ്, കുടുംബാംഗങ്ങള്‍ക്കെതിരെ തീവ്രവാദ ഭീഷണി എന്നിവ ആരോപിച്ച് ഇന്ത്യന്‍ വംശജനായ 22 വയസ്സുള്ള ഒരു വിദ്യാര്‍ത്ഥിയെ അമേരിക്കയില്‍ അറസ്റ്റ് ചെയ്തു.

ഡാളസിലെ ടെക്‌സസ് യൂണിവേഴ്‌സിറ്റിയിലെ വിദ്യാര്‍ത്ഥിയായ മനോജ് സായ് ലെല്ല എന്ന പ്രതിയെ തിങ്കളാഴ്ച ഫ്രിസ്‌കോയില്‍ വെച്ച് പോലീസ് കസ്റ്റഡിയിലെടുത്തു.

ലെല്ലയ്ക്ക് മാനസികാരോഗ്യ പ്രശ്നങ്ങളുണ്ടെന്ന് കുടുംബാംഗങ്ങള്‍ അറിയിച്ചതിനെ തുടര്‍ന്ന് ഉദ്യോഗസ്ഥര്‍ അദ്ദേഹത്തിന്റെ വീട്ടില്‍ എത്തി ഭീഷണിപ്പെടുത്തിയതായി അധികൃതര്‍ പറഞ്ഞു. അറസ്റ്റിന് ദിവസങ്ങള്‍ക്ക് മുമ്പ് വീടിന് തീയിടാന്‍ ശ്രമിച്ചതിനും ഇയാള്‍ക്കെതിരെ കുറ്റമുണ്ടെന്ന് പോലീസ് പറഞ്ഞു.

ഒരു വീടിനോ ആരാധനാലയത്തിനോ കേടുപാടുകള്‍ വരുത്തുക എന്ന ഉദ്ദേശ്യത്തോടെ തീവയ്പ്പ് നടത്തിയതിനും, ഒരു കുടുംബത്തിനോ വീട്ടുകാര്‍ക്കോ എതിരെ തീവ്രവാദ ഭീഷണി മുഴക്കിയതിനും ലെല്ലയ്ക്കെതിരെ കേസെടുത്തിട്ടുണ്ട്.

ഇത് ക്ലാസ് എ കുറ്റകൃത്യമായി വര്‍ഗ്ഗീകരിച്ചിരിക്കുന്നു. ആരാധനാലയത്തിന് എന്തെങ്കിലും ഭീഷണിയുണ്ടെന്നതിന് തെളിവുകളൊന്നുമില്ലെന്ന് പോലീസ് വ്യക്തമാക്കി.

തീവെപ്പ് കുറ്റത്തിന് 100,000 ഡോളറും തീവ്രവാദ ഭീഷണി കുറ്റത്തിന് 3,500 ഡോളറും ബോണ്ട് നിശ്ചയിച്ചിട്ടുണ്ടെന്ന് കോടതി രേഖകള്‍ വ്യക്തമാക്കുന്നു. അന്വേഷണം തുടരുകയാണ്.