യുഎസ് സൈനിക സ്ഫോടകവസ്തു പ്ലാന്റിലെ സ്ഫോടനത്തിൽ നിരവധി പേർ മരിച്ചു, നിരവധി പേരെ കാണാതായി, രക്ഷാപ്രവർത്തനം പുരോഗമിക്കുന്നു

ടെന്നസി: യുഎസിലെ ടെന്നസിയിലെ ഒരു സൈനിക സ്‌ഫോടകവസ്തു നിര്‍മ്മാണ കേന്ദ്രത്തില്‍ വെള്ളിയാഴ്ച ഉണ്ടായ ശക്തമായ സ്‌ഫോടനത്തില്‍ നിരവധി പേര്‍ മരിക്കുകയും നിരവധി പേരെ കാണാതാവുകയും ചെയ്തതായി റിപ്പോര്‍ട്ട്. സ്‌ഫോടനത്തില്‍ സമീപത്തെ വീടുകള്‍ കുലുങ്ങി.

നാഷ്വില്ലില്‍ നിന്ന് ഏകദേശം 60 മൈല്‍ (97 കിലോമീറ്റര്‍) തെക്ക് പടിഞ്ഞാറായി സ്ഥിതി ചെയ്യുന്ന ബക്സ്നോര്‍ട്ടിനടുത്തുള്ള അക്യുറേറ്റ് എനര്‍ജറ്റിക് സിസ്റ്റംസിലാണ് സ്ഫോടനം നടന്നതെന്ന് ഹിക്ക്മാന്‍ കൗണ്ടി ഷെരീഫ് ഓഫീസ് അറിയിച്ചു. 

സ്ഥലത്ത് രക്ഷാപ്രവര്‍ത്തനം നടന്നുവരികയാണ്. സ്‌ഫോടനങ്ങള്‍ തുടരുന്നതിനാല്‍ അടിയന്തര രക്ഷാപ്രവര്‍ത്തകര്‍ക്ക് അകത്തേക്ക് പോകാന്‍ കഴിഞ്ഞിട്ടില്ലെന്ന് ഹിക്ക്മാന്‍ കൗണ്ടി അഡ്വാന്‍സ്ഡ് ഇഎംടി ഡേവിഡ് സ്റ്റുവര്‍ട്ട് അസോസിയേറ്റഡ് പ്രസ്സിനോട് ടെലിഫോണില്‍ പറഞ്ഞു.

ആര്‍ക്കെങ്കിലും പരിക്കേറ്റിട്ടുണ്ടോ എന്നതിനെക്കുറിച്ച് തന്റെ കൈവശം ഒരു വിവരവുമില്ലെന്ന് അദ്ദേഹം പറഞ്ഞു.