/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/12/15/bondi-beach-2025-12-15-12-12-19.jpg)
സിഡ്നി: ഓസ്ട്രേലിയയിലെ സിഡ്നിയിലെ ബോണ്ടി ബീച്ചില് ഹന്നുകാ ആഘോഷത്തിനിടെ ഒരു കുട്ടിയുള്പ്പെടെ 16 പേരെ വെടിവച്ചു കൊന്ന രണ്ട് തോക്കുധാരികള് പാകിസ്ഥാനികളായ അച്ഛനും മകനുമാണെന്ന് പോലീസ് അറിയിച്ചു. 50 വയസ്സുള്ള സാജിദ് അക്രവും മകന് 24 വയസ്സുള്ള നവീദ് അക്രവുമാണ് പ്രതികള്.
ഓസ്ട്രേലിയന് നിയമ നിര്വ്വഹണ ഏജന്സികള് സാജിദിനെ കൊലപ്പെടുത്തിയെങ്കിലും നവീദിനെ പരിക്കുകളോടെ പിടികൂടി. ഇരുവരും പാകിസ്ഥാനില് നിന്നുള്ളവരാണ്.
ന്യൂ സൗത്ത് വെയില്സ് പോലീസ് കമ്മീഷണര് മാല് ലാന്യോണ് നടത്തിയ പത്രസമ്മേളനത്തില്, പിതാവ് ലൈസന്സുള്ള തോക്കുകളുടെ ഉടമയാണെന്നും ആറ് തോക്കുകള്ക്ക് അദ്ദേഹത്തിന് ലൈസന്സുള്ളതാണെന്നും പറഞ്ഞു.
ഇസ്ലാമിക് സ്റ്റേറ്റ് ഓഫ് ഇറാഖ് ആന്ഡ് സിറിയയുടെ (ഐസിസ്) പതാക അവരുടെ കാറില് നിന്ന് കണ്ടെടുത്തതിനാല്, അവര്ക്ക് ഒരു തീവ്രവാദ ഗ്രൂപ്പുമായി ബന്ധമുണ്ടോ എന്ന് പോലീസ് അന്വേഷിക്കുന്നുണ്ടെന്ന് അദ്ദേഹം പറഞ്ഞു.
ബോണ്ടി ബീച്ചലെ കൊലപാതകത്തിന് പിന്നാലെ ഓസ്ട്രേലിയന് പ്രധാനമന്ത്രി ആന്റണി അല്ബനീസ് രാജ്യത്ത് കര്ശനമായ ദേശീയ തോക്ക് നിയമങ്ങള് നിര്ദ്ദേശിച്ചു. പുതിയ നിര്ദ്ദിഷ്ട നിയന്ത്രണങ്ങള് ലൈസന്സുള്ള ഉടമയ്ക്ക് നേടാനാകുന്ന തോക്കുകളുടെ എണ്ണം പരിമിതപ്പെടുത്തുമെന്ന് മാധ്യമപ്രവര്ത്തകരോട് സംസാരിച്ച അല്ബനീസ് പറഞ്ഞു.
'ആവശ്യമായ ഏത് നടപടിയും സ്വീകരിക്കാന് സര്ക്കാര് തയ്യാറാണ്. അതില് കര്ശനമായ തോക്ക് നിയമങ്ങള് ആവശ്യമാണ്,' അദ്ദേഹം പറഞ്ഞു. 'ആളുകളുടെ സാഹചര്യങ്ങള് മാറിയേക്കാം. കാലക്രമേണ ആളുകളെ തീവ്രവാദത്തിലേക്ക് തള്ളിവിടാം. ലൈസന്സുകള് ശാശ്വതമായിരിക്കരുത്.'
ബോണ്ടി ആക്രമണം മുഴുവന് ജൂത സമൂഹത്തെയും ഞെട്ടിച്ചിരിക്കുകയാണ്. പത്ത് വയസ്സുകാരന് ഉള്പ്പെടെ 16 പേര് കൊല്ലപ്പെടുകയും 38 പേര്ക്ക് പരിക്കേല്ക്കുകയും ചെയ്തു.