സിറിയയിൽ ക്രൈസ്തവ ദേവാലയത്തിൽ ചാവേറാക്രമണം. പ്രാർത്ഥനയിൽ ഏർപ്പെട്ട വിശ്വാസികൾക്ക് നേരെ ആക്രമി ആദ്യം വെടിയുതിർത്തു പിന്നീട് പൊട്ടിത്തെറിച്ചു. 9 പേര്‍ കൊല്ലപ്പെട്ടെന്ന് റിപ്പോർട്ട്

ഡമാസ്കസ്: സിറിയയിലെ ഡമാസ്കസിലെ ക്രൈസ്തവ ദേവാലയത്തിൽ ചാവേറാക്രമണം. പളളിക്കുള്ളിൽ പ്രാർത്ഥന നടക്കുന്നതിനിടെയാണ് ചാവേർ ആക്രമണം നടക്കുന്നത്.

ചാവേര്‍ സ്ഫോടനത്തിൽ 9 പേര്‍ കൊല്ലപ്പെട്ടെന്ന് സിറിയൻ മാധ്യമങ്ങൾ റിപ്പോർട്ട് ചെയ്തു. ആക്രമണത്തിൽ കുറഞ്ഞത് 15 പേർക്ക് പരിക്കേറ്റു.

ഇസ്ലാമിക് സ്റ്റേറ്റ് ഭീകരനാണ് ആക്രമണം നടത്തിയതെന്നാണ് റിപ്പോര്‍ട്ട്. 

പ്രാർത്ഥിച്ചുകൊണ്ട് നിന്നവർക്ക് നേരെ ചാവേർ ആദ്യം വെടിയുതിര്‍ത്തു. പിന്നീട് ചാവേര്‍ സ്വയം പൊട്ടിത്തെറിക്കുകയായിരുന്നു.