ഗസ്സയിലെ വെടിനിർത്തൽ കരാർ. രണ്ടാം ഘട്ടം ആരംഭിക്കുന്നതിനുള്ള ചർച്ചകൾക്ക് തിങ്കളാഴ്ച​ തുടക്കം

ദോഹ: ഗസ്സയിലെ വെടിനിർത്തൽ കരാറുമായി ബന്ധപ്പെട്ട  രണ്ടാംഘട്ടം ചർച്ചകൾക്ക് തിങ്കളാഴ്ച​ ദോഹയിൽ തുടക്കം.

ഖത്തർ തലസ്ഥാനമായ ദോഹയിലെത്തുന്ന ഇസ്രായേൽ പ്ര​തി​നി​ധി​ സം​ഘ​വുമായി മധ്യസ്ഥ രാജ്യങ്ങൾ മുഖേന ഹമാസ്​ രണ്ടാംഘട്ട വെടിനിർത്തൽ സംബന്ധിച്ച ചർച്ചകള്‍ക്ക്​ തുടക്കം കുറിക്കും. 

ഗസ്സക്ക്​ മേൽ ഇസ്രായേൽ ഏർപ്പെടുത്തിയ ഉപരോധം ഒരാഴ്ച പിന്നിട്ടിരിക്കെ, ചർച്ച എത്രകണ്ട്​ വിജയിക്കും എന്ന ആശങ്ക നിലനിൽക്കുന്നുണ്ട്​.

ഇസ്രായേൽ പ്രധാനമന്ത്രി ബിന്യമിൻ നെതന്യാഹുവിന്‍റെ രാഷ്ട്രീയ ഉപദേശകൻ ഒഫിർ ഫാൾക്കും ഇസ്രായേൽ സംഘത്തിലുണ്ട്​.

രണ്ടു മാസം നീളുന്ന വെടിനിർത്തൽ കരാറിലൂടെ എല്ലാ ബന്ദികളെയും കൈമാറുന്ന പുതിയൊരു നിർദേശം മധ്യസ്ഥ രാജ്യമായ ഈജിപ്ത്​ മുന്നോട്ടുവെച്ചതായും റിപ്പോർട്ടുണ്ട്​.