ട്രംപിന്റെ അടുത്ത ലക്ഷ്യം അഫ്​ഗാനിലെ തന്ത്രപ്രധാനമായ ബ​ഗ്രം വ്യോമതാവളം, അമേരിക്കയുടെ ആവശ്യത്തെ ശക്തമായി എതിർത്ത് ഇന്ത്യയും റഷ്യയും ഉൾപ്പെടെയുള്ള രാജ്യങ്ങൾ

ന്യഡൽഹി: അമേരിക്കൻ പ്രസിഡന്റ് ഡോണൾഡ് ട്രംപ് ഇത് എന്തിനുള്ള പുറപ്പാടാണെന്നാണ് ലോക രാജ്യങ്ങൾ ഉറ്റുനോക്കുന്നത്. കാനഡയ്ക്കും, ​ഗ്രീൻലാൻഡിനും മെക്സിക്കോയ്ക്കും പിന്നാലെ വിവിധ രാജ്യങ്ങളിൽ തങ്ങളുടെ ആധിപത്യം സ്ഥാപിച്ചെടുക്കാനുള്ള ഒരുക്കത്തിലാണ് ട്രംപ്. കഴിഞ്ഞ ദിവസങ്ങളിൽ അഫ്ഗാനിസ്ഥാനിലെ ബഗ്രാം വ്യോമതാവളത്തിന്റെ നിയന്ത്രണം ഏറ്റെടുക്കണമെന്ന യുഎസ് പ്രസിഡന്റ് ട്രംപിന്റെ ആവശ്യത്തെ എതിർക്കുന്നതിൽ താലിബാൻ, പാകിസ്ഥാൻ, ചൈന, റഷ്യ എന്നിവരോടൊപ്പം ഇന്ത്യയും ചേർന്നിരിക്കുകയാണ്. 

ഈ ആഴ്ച അവസാനം താലിബാൻ വിദേശകാര്യ മന്ത്രി ആമിർ ഖാൻ മുത്തഖിയുടെ ചരിത്രപരമായ ഇന്ത്യാ സന്ദർശനത്തിന് ദിവസങ്ങൾക്ക് മുമ്പാണ്  ഇന്ത്യ  ഈ തീരുമാനം എടുത്തിരിക്കുന്നത്. .

പ്രസ്താവനയിൽ ബഗ്രാമിനെക്കുറിച്ച് വ്യക്തമായി പരാമർശിച്ചിട്ടില്ലെങ്കിലും, അഫ്ഗാനിസ്ഥാനിലെ മോസ്കോ ഫോർമാറ്റ് കൺസൾട്ടേഷൻസിൽ നിന്നുള്ള ഒരു സംയുക്ത പ്രഖ്യാപനത്തിൽ ഇങ്ങനെ പറയുന്നു, "അഫ്ഗാനിസ്ഥാനിലും അയൽ സംസ്ഥാനങ്ങളിലും തങ്ങളുടെ സൈനിക അടിസ്ഥാന സൗകര്യങ്ങൾ വിന്യസിക്കാനുള്ള അമേരിക്കയുടെ  ശ്രമങ്ങൾ അസ്വീകാര്യമാണെന്ന്  ഇന്ത്യയും റഷ്യയും ഉൾപ്പെടെയുള്ള രാജ്യങ്ങൾ വ്യക്തമായ നിലപാട് അറിയിച്ചിരിക്കുകയാണ്.  കാരണം ഇത്  അയൽ രാജ്യങ്ങളുടെ സമാധാനത്തിന് ഏറെ വിഘാതം സൃഷ്ടിക്കും എന്നത് തന്നെയാണ് കാരണം.  

സെപ്റ്റംബർ 18 ന് യുകെ പ്രധാനമന്ത്രി കെയർ സ്റ്റാർമറുമായി നടത്തിയ പത്രസമ്മേളനത്തിൽ സംസാരിക്കവെ, യുഎസ് "(ബാഗ്രാമിനെ) തിരിച്ചുപിടിക്കാൻ ശ്രമിക്കുകയാണ്" എന്ന് ട്രംപ് പറഞ്ഞു, അത് "താലിബാന് തങ്ങൾ വെറുതെ നൽകിയ ഒരു താവളമാണ്" വിശേഷിപ്പിക്കുകയും ചെയ്തു. 

അഫ്ഗാനിസ്ഥാൻ താവളം തിരികെ നൽകിയില്ലെങ്കിൽ "മോശം കാര്യങ്ങൾ സംഭവിക്കാൻ പോകുന്നു" എന്ന് അദ്ദേഹം പിന്നീട് ട്രൂത്ത് സോഷ്യലിൽ മുന്നറിയിപ്പ് നൽകി.തോടെയാണ് ഇന്ത്യ ഉൾപ്പെടെയുള്ള രാജ്യങ്ങൾ അമേരിക്കയ്ക്ക് എതിരെ രം​ഗത്ത് വന്നിരിക്കുന്നത്. 

ബഗ്രാമിന്റെ തന്ത്രപരമായ പ്രാധാന്യം

കാബൂളിൽ നിന്ന് ഏകദേശം 50 കിലോമീറ്റർ അകലെ സ്ഥിതി ചെയ്യുന്ന ബഗ്രാം അഫ്ഗാനിസ്ഥാനിലെ ഏറ്റവും വലിയ വ്യോമതാവളമാണ്, 3.6 കിലോമീറ്ററും 3 കിലോമീറ്ററും നീളമുള്ള രണ്ട് കോൺക്രീറ്റ് റൺവേകളുണ്ട്.

രാജ്യത്തിന്റെ പരുക്കൻ, പർവതപ്രദേശങ്ങൾ വലിയ സൈനിക വിമാനങ്ങൾ ഇറങ്ങുന്നതിന് അനുയോജ്യമായ സ്ഥലങ്ങൾ കുറവായതിനാൽ ബഗ്രാം തന്ത്രപരമായി നിർണായകമാണ്. 2001 ന് ശേഷം അമേരിക്കയുടെ "ഭീകരതയ്‌ക്കെതിരായ യുദ്ധത്തിൽ" ഈ താവളം ഒരു പ്രധാന പങ്ക് വഹിച്ചിരുന്നു.