വെനിസ്വേലയിൽ 6.2 തീവ്രത രേഖപ്പെടുത്തിയ ശക്തമായ ഭൂകമ്പം

കാരക്കാസ്: ബുധനാഴ്ച വെനിസ്വേലയില്‍ 6.2 തീവ്രത രേഖപ്പെടുത്തിയ ഭൂകമ്പം ഉണ്ടായതായി യുഎസ് ജിയോളജിക്കല്‍ സര്‍വേ റിപ്പോര്‍ട്ട് ചെയ്തു.

സുലിയ സംസ്ഥാനത്തെ മെനെ ഗ്രാന്‍ഡെ കമ്മ്യൂണിറ്റിയില്‍ നിന്ന് 15 മൈല്‍ (24 കിലോമീറ്റര്‍) കിഴക്ക്-വടക്കുകിഴക്കായും തലസ്ഥാനമായ കാരക്കാസില്‍ നിന്ന് 370 മൈല്‍ (600 കിലോമീറ്റര്‍) പടിഞ്ഞാറുമായാണ് പ്രഭവകേന്ദ്രമെന്ന് ഏജന്‍സി അറിയിച്ചു.

ഭൂകമ്പത്തെക്കുറിച്ചുള്ള വിശദാംശങ്ങള്‍ വെനിസ്വേലന്‍ സര്‍ക്കാര്‍ പുറത്തുവിട്ടിട്ടില്ല, അതേസമയം ഭൂകമ്പത്തിന് 5 മൈല്‍ ആഴമുണ്ടെന്ന് യുഎസ് ഏജന്‍സി പറഞ്ഞു.