പടിഞ്ഞാറൻ ജപ്പാനിൽ 6.2 തീവ്രത രേഖപ്പെടുത്തിയ ഭൂകമ്പം, രാജ്യമെമ്പാടും പ്രകമ്പനം അനുഭവപ്പെട്ടു. സുനാമി സാധ്യതയില്ലെന്ന് അധികൃതര്‍

ടോക്കിയോ: ചൊവ്വാഴ്ച പടിഞ്ഞാറന്‍ ജപ്പാനില്‍ 6.2 തീവ്രത രേഖപ്പെടുത്തിയ ശക്തമായ ഭൂകമ്പം ഉണ്ടായി. സുനാമി സാധ്യതയില്ലെന്ന് അധികൃതര്‍ അറിയിച്ചു. വടക്കുപടിഞ്ഞാറന്‍ ജപ്പാനിലെ ഷിമാനെ പ്രിഫെക്ചറിലാണ് ഭൂകമ്പം റിപ്പോര്‍ട്ട് ചെയ്തതെന്ന് ജപ്പാന്‍ കാലാവസ്ഥാ ഏജന്‍സി അറിയിച്ചു.

പ്രവിശ്യാ തലസ്ഥാനമായ മാറ്റ്സ്യൂവും അയല്‍രാജ്യമായ ടോട്ടോറി പ്രവിശ്യയിലെ ചില നഗരങ്ങളും ഉള്‍പ്പെടെ സമീപ നഗരങ്ങളാണ് ഏറ്റവും ശക്തമായി കുലുങ്ങിയത്.

ഭൂകമ്പത്തിന്റെ പ്രഭവകേന്ദ്രം കടലില്‍ നിന്ന് ഏകദേശം 10 കിലോമീറ്റര്‍ (6.2 മൈല്‍) ആഴത്തിലായിരുന്നുവെന്നും സുനാമി സാധ്യതയില്ലെന്നും ഏജന്‍സി അറിയിച്ചു. ഭൂകമ്പത്തില്‍ ആര്‍ക്കും പരിക്കുകളോ നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.

ഷിമാമെ ആണവ നിലയത്തിലും മേഖലയിലെ അനുബന്ധ കേന്ദ്രത്തിലും അസാധാരണത്വങ്ങളൊന്നും കണ്ടെത്തിയിട്ടില്ലെന്ന് ന്യൂക്ലിയര്‍ റെഗുലേഷന്‍ അതോറിറ്റി അറിയിച്ചു.

ലോകത്തിലെ ഏറ്റവും കൂടുതല്‍ ഭൂകമ്പ സാധ്യതയുള്ള പ്രദേശങ്ങളിലൊന്നായ പസഫിക് അഗ്‌നി വലയത്തിലാണ് ജപ്പാന്‍ സ്ഥിതി ചെയ്യുന്നത്.