'നിയമവിരുദ്ധമായ ഉള്ളടക്കം നിര്‍മ്മിക്കാന്‍ ഗ്രോക്കിനെ ഉപയോഗിക്കുന്ന ആര്‍ക്കും നിയമവിരുദ്ധമായ ഉള്ളടക്കം അപ്ലോഡ് ചെയ്യുമ്പോഴുള്ള അതേ പ്രത്യാഘാതങ്ങള്‍ നേരിടേണ്ടിവരും'. 'ഞങ്ങൾ തമാശ പറയുകയല്ല': എക്‌സിലെ അശ്ലീല ചിത്രങ്ങളെച്ചൊല്ലിയുള്ള പ്രതികരണങ്ങൾക്ക് ശേഷം ഉപയോക്താക്കൾക്ക് മുന്നറിയിപ്പ് നൽകി എലോൺ മസ്‌ക്

ഡല്‍ഹി: നിയമവിരുദ്ധമായ ഉള്ളടക്കം അപ്ലോഡ് ചെയ്യുന്നവര്‍ പ്രത്യാഘാതങ്ങള്‍ നേരിടേണ്ടിവരുമെന്ന് മൈക്രോബ്ലോഗിംഗ് സൈറ്റ് 'എക്‌സ്' ഉപയോക്താക്കള്‍ക്ക് ടെസ്ല മേധാവി എലോണ്‍ മസ്‌ക് മുന്നറിയിപ്പ് നല്‍കി. പ്ലാറ്റ്ഫോമിലെ എഐ സേവനമായ ഗ്രോക്ക് ഉപയോഗിച്ച് നിയമവിരുദ്ധമായ ഉള്ളടക്കം നിര്‍മ്മിക്കുന്നതിനെതിരെയാണ് മുന്നറിയിപ്പ്.

എല്ലാ അശ്ലീലവും നിയമവിരുദ്ധവുമായ ഉള്ളടക്കങ്ങളും, പ്രത്യേകിച്ച് എഐ ആപ്പ് ഗ്രോക് സൃഷ്ടിച്ചവ, ഉടനടി നീക്കം ചെയ്യണമെന്ന് ഇലക്ട്രോണിക്‌സ്, ഐടി മന്ത്രാലയം എക്‌സിനോട് നിര്‍ദ്ദേശിച്ചതിന് ഒരു ദിവസത്തിന് ശേഷമാണ് പ്രസ്താവന.

'നിയമവിരുദ്ധമായ ഉള്ളടക്കം നിര്‍മ്മിക്കാന്‍ ഗ്രോക്കിനെ ഉപയോഗിക്കുന്ന ആര്‍ക്കും നിയമവിരുദ്ധമായ ഉള്ളടക്കം അപ്ലോഡ് ചെയ്യുമ്പോഴുള്ള അതേ പ്രത്യാഘാതങ്ങള്‍ നേരിടേണ്ടിവരും,' 'അനുചിതമായ ചിത്രങ്ങള്‍' എന്നതിനെക്കുറിച്ചുള്ള ഒരു പോസ്റ്റിന് മറുപടിയായി മസ്‌ക് എക്സില്‍ പറഞ്ഞു.

'ഗ്രോക്ക് അനുചിതമായ ചിത്രങ്ങള്‍ സൃഷ്ടിക്കുന്നുണ്ടെന്ന് ചിലര്‍ പറയുന്നു. പക്ഷേ അത് മോശമായ എന്തെങ്കിലും എഴുതിയതിന് പേനയെ കുറ്റപ്പെടുത്തുന്നത് പോലെയാണ്. എന്ത് എഴുതണമെന്ന് ഒരു പേന തീരുമാനിക്കുന്നില്ല.

അത് കൈവശം വച്ചിരിക്കുന്ന ആളാണ് തീരുമാനിക്കുന്നത്. ഗ്രോക്കും അതേ രീതിയില്‍ പ്രവര്‍ത്തിക്കുന്നു. നിങ്ങള്‍ക്ക് ലഭിക്കുന്നത് നിങ്ങള്‍ എന്ത് ഇടുന്നു എന്നതിനെ ആശ്രയിച്ചിരിക്കുന്നു. ചിന്തിക്കൂ!'അദ്ദേഹം മുന്നറിയിപ്പ് നല്‍കി.