/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2026/03/06/untitled-2026-03-06-12-51-20.jpg)
ബെയ്റൂട്ട്: ഇസ്രായേല് അതിര്ത്തിയോട് ചേര്ന്നുള്ള വടക്കന് മേഖലയിലെ താമസക്കാരോട് ഒഴിഞ്ഞുപോകാണമെന്ന് ആവശ്യപ്പെട്ട് ലബനീസ് സായുധ ഗ്രൂപ്പായ ഹിസ്ബുള്ള.
2023-ല് യുദ്ധം ആരംഭിച്ചത് മുതല് ഇസ്രായേല് സൈന്യം ലബനന് ജനതയ്ക്ക് നല്കുന്നതിന് സമാനമായ മുന്നറിയിപ്പാണ് ഇപ്പോള് ഹിസ്ബുള്ള ആദ്യമായി ഇസ്രായേല് പൗരന്മാര്ക്ക് നല്കിയിരിക്കുന്നത്.
ഇസ്രായേല്-ലബനന് അതിര്ത്തിയില് നിന്ന് അഞ്ച് കിലോമീറ്റര് ചുറ്റളവിലുള്ള എല്ലാ ജനവാസ കേന്ദ്രങ്ങളില് നിന്നും ആളുകള് മാറിതാമസിക്കണമെന്നാണ് ഹിസ്ബുള്ളയുടെ നിര്ദ്ദേശം. ഹീബ്രു ഭാഷയിലാണ് ഹിസ്ബുള്ള ഈ സന്ദേശം പുറത്തുവിട്ടത്.
ലബനന്റെ പരമാധികാരത്തിന് മേലുള്ള ഇസ്രായേലിന്റെ കടന്നുകയറ്റവും സിവിലിയന്മാര്ക്ക് നേരെയുള്ള ആക്രമണവുമാണ് ഈ നടപടിക്ക് പ്രേരിപ്പിച്ചതെന്ന് ഹിസ്ബുള്ള വ്യക്തമാക്കി.
സിവിലിയന് പശ്ചാത്തല സൗകര്യങ്ങള് തകര്ക്കുന്നതിനും ജനങ്ങളെ നിര്ബന്ധിതമായി കുടിയിറക്കുന്നതിനും ശക്തമായ മറുപടി നല്കുമെന്നും ഹിസ്ബുള്ള പ്രസ്താവനയില് പറഞ്ഞു.